اسلام آباد ۔ 24 اکتوبر (اے پی پی) وزیرِاعظم عمران خان آکھیا جو اساں اقوام عالم اچ اپنڑاں مقام حاصل کرنڑے اتے عظیم قوم بنڑنڑے جئیں سانگے ساکوں ریاست مدینہ دے اصولاں تے عمل کرنڑاں پمسی،نبی اکرم دی حیات مبارکہ دے ہر پہلو تاریخ اچ سانبھیا ہوئے جئیں دی پیروی کر تے اساں اپنڑی زندگیاں سنوار سگدوں،جدید ٹیکنالوجی دے دور اچ اساں نینگر نسل کوں باہرلے ثقافتی یلغار توں محفوظ رکھنڑ ،اسلام دے تشخص اتے اپنڑی روایت اتے تہذیب تے تمدن نال روشناس کراونڑ سانگے ضروری اے جو قومی تشخص اتے صوفیاءکرام دی تعلیمات کوں اجاگر کیتا ونجے۔خمیس کوں جید مشائخ عظام دے وفدوزیراعظم عمران خان نال ملاقات کیتی۔ملاقات اچ مسئلہ کشمیر خصوصاً وزیرِاعظم ولوں اقوام متحدہ دے پلیٹ فارم تے کشمیر دی صورتحال کوں اجاگر کرنڑ،دین اسلام دے اصل تشخص کوں پیش کرنڑ،ناموس رسالت دے تحفظ اتے اسلام فوبیا دے تدارک بارے کیتی ونجنڑ آلی تاریخی تقریر،ملک اچ نینگر نسل کوں صوفیاءکرام دی تعلیمات نال روشناس کراونڑ بارے وزیراعظم دی یونیورسٹیاں اچ سیرت چیئرز دے قیام اتے القادر یونیورسٹی دے قیام جیہے منصوبے،غرباءاتے نادار بندیاں سانگے پورے ملک اچ احساس پروگرام دے تحت لنگر خانے بنڑاوڑ،ملائیشیا ددے تعاون نال میڈیا ہاو ¿س بنڑاونڑ دے منصوبے اتے ملکی استحکام تے تعمیر تے ترقی سانگے اجوکی حکومت دے اقدامات اتے ملکی صورتحال تے گالھ مہاڑ کیتی گئی ۔مشائخ کرام ’ ملکی استحکام اتے تعمیر و ترقی بارے وزیراعظم کوں اپنڑی پوری حمایت اتے تعاون دا یقین ڈوایا۔ملاقات دے چھیکڑ تے ملکی ترقی تے استحکام اتے خصوصاً پاکستان کوں ریاست مدینہ دی طرز تے ڈھالنڑ سانگے وزیراعظم دی کوششاں دی کامیابی سانگے خصوصی دعا کیتی گئی ۔
وزیرِاعظم عمران خان دی جید مشائخ عظام دے وفد نال گالھ مہاڑ
مضمون کا ماخذ : نقدی پھٹنا
متعلقہ مضامین
