لاهور۔7مئی (اے پی پی) مذهبي همغږۍ لپاره د وزيراعظم خاص مرستيال حافظ طاهر محمود اشرفي وئيلي دي مذهب بايد سياست لپاره ونه كارولے شي٬ دین او د مقدس هستيانو تقدس ته زيان رسولو څخه بايد ډډه وكړې شي٬ آر اېس اېس د بلاول بھټو او پاکستان په ضد د دروغو پروپېګنډا خپروي ، خارجه وزير بلاول بھټو زرداري په هند كښې د كشمير مسئله په فعاله توګه وړاندې كړه۔ د اتوار په ورځ په لاهور كښې خبري كنفرنس ته خپله وېنا كښې حافظ طاهر اشرفي ووئيل د مذهب په نامه په مردان كښې د شوي قتل دلاسه په ګرده نړۍ كښې د پاكستان بدنامي شوې ده۔ خدايے لپاره كوم سياسي شخصيت ته دې پېغمبرانو يا مذهبي لارښودو سره تشبيه ورنكړے شي۔ ده ووئيل د مذهبي ګوندونو لارښودو له به د خپل كارمندانو تربيه كول وي۔ مردان كښې د مذهب په نامه په شوي قتل د افسوس څرګندونه كولو سره ده ووئيل كه سياستوالو او مذهبي لارښودو د خپلو كارمندانو تربيه ونكړه نو بيا به د مذهب په نامه د قتلونو لړۍ بندۍ نه شي۔ طاهر محمود اشرفی ووئيل د اهل بېت او ازواج مطهرات په ډول څوك هم راتللے نه شي۔ د پاك پېغمبر (ص) د والدېنو څخه وروستو د حسنین کریمېن مور زياته محترم ده۔ دا خبرې دې تر ټولو وړاندې كارمندانو ته وښودلې شي۔ ولي او پېغمبر لويې درجې دي۔ ده هند ته د بلاول بهټو زرداري دوره تر ټولو زياته كاميابه ګرځولو سره ووئيل بي جي پي او آر ايس ايس د پاکستان او بلاول بھټو پر ضد د دروغو پروپېګنډا كوي٬ پاك پوځ او قوم د يو بل تر څنګ ولاړ دي ٬ د هېواد دفاع به په ګډه كوؤ۔ كومه ژبه چې د بلاول بھټو په اړه هندي لارښودو كارولې ده هم هغه ژبه پاكستان كښې هم ځينې خلقو كارولې ده٬ كه د بلاول په ځايې شاه محمود قرېشي هم هند ته تلے وو نو مونږ هغه سره هم دغسې ولاړ وو۔ ده ووئيل هغه وخت لرې نه دے چې د كشمير او فلسطين مسئله به حل شي۔ ده ووئيل بلاول بھټو زرداري چې په هند كښې كشمير كشمير كشمير وئيلي هغه خلقو ولې نه دي اورېدلې۔ بلاول وئيلي چې د شخړو يوازينې حل د كشمير مسئلې حل دے۔ دده په دې خبره هندي خارجه وزير لمبه شوے۔ سياست قومي او ملي ګټو څخه پورته وي۔ ده ووئيل په دې خوشحاله يم چې د بلاول بھټو خطاب څخه وروستو په هند كښې د ماتم كېفيت دے۔ ده ووئيل د بلاول دوره كاميابه وه كه هند په د 5 اګست پوزيشن ته راشي نو ورسره خبرې كېدې شي۔ ده ووئيل چين هم وئيلي چې پاكستاني لارښود دې د مذاكراتو مېز ته راتللو سره خپلې مسئلې حل كړي۔ ده ووئيل مونږ بايد د مفاهمت د لارې خپلې مسئلې حل كړؤ
مذهب په سياست كښې بايد ونه كارولے شي٬ آر ايس ايس د بلاول بھټو زرداري په ضد د دروغو پراپيګنډا كوي٬ حافظ طاهر محمود اشرفي
مضمون کا ماخذ : پاکستان لاٹری نمبر
متعلقہ مضامین
