اسلام آباد ۔ 13 جون (اے پی پی) وزیراعظم محمد نواز شریف امید ظاہر کیتی ہے جو خلیج اچ موجودہ بحران مسلم امہ دے بہترین مفاد اچ وختی حل کر گھدا ویسی ۔ اے گالھ وزیراعظم دے سعودی عرب د?? ہک ڈینھ دے دورہ دے چھیکڑ تے ایوان وزیراعظم ولوں جاری بیان اچ ڈسائی گی۔ وزیراعظم محمد نواز شریف سعودی فرمانروا خادم الحرم??ن الشریفین شاہ سلمان بن عبدالعزیز نال سنوار کوں شاہی محل جدہ اچ ملاقات کیتی۔ وزیراعظم خلیج تعاون کونسل دے ارکان وچال ہنگامی صورتحال دے تناظر اچ اے دورہ کیتا ۔ وزیر خزانہ اسحاق ڈار، چیف آف آرمی سٹاف جنرل قمر جاوید باجوہ اتے وزیراعظم دے مشیر خارجہ امور سرتاج عزیز وی انہاں دے نال ہن۔ سعودی عرب اتے ایندے عوام نال اظہار یکجہتی کریندے ہوئیں وزیراعظم آکھیا جو سعودی سلطنت دا پاکستان دے عوام دے دلاں اچ خص??صی جاہ ہے تے مسلم دنیا شاہ کوں خادم الحرم??ن الشریفین دے طور تے ڈیکھدی ہے ۔ وزیراعظم سلطنت دی علاقائی سالمیت و خودمختاری اتے حرم??ن الشریفین دے تحفظ سانگے پاکستان دے عوام دے پختہ عزم دا اعادہ کیتا۔ شاہ سلمان دورے تے وزیراعظم دا شکر??ہ ادا کریندے ہوئیں پاکستان اتے سعودی عرب وچال شروع توں ہی تعلقات دی خص??صی نوعیت دا ذکر کیتا۔ شاہ سلمان اوکھی صورت حال دے باوجود انتہاءپسندی اتے دہشت گردی دے خلاف پاکستان دی غیر معمولی کامیابیاں کوں سراہیا۔ انہاں پاکستان سانگے دلچسپی دے سارے ایشوز بشمول ایندی قومی سلامتی دے معاملات تے سلطنت دی حمایت اتے پختہ عزم دا اعادہ کیتا۔
خلیج اچ موجودہ بحران مسلم امہ دے بہترین مفاد اچ وختی حل کر گھدا ویسی ،وزیراعظم محمد نواز شریف
مضمون کا ماخذ : جنگل وائلڈ
متعلقہ مضامین
