اسلام آباد ۔ 07 مارچ (اے پی پی) پاکستان اتے لکسمبرگ دے وزراءخارجہ تجارتی، اقتصادی، تعلیمی و سائنس اینڈ ٹیکنالوجی دے شعبیں اچ تعاون دے ودھارے تے ڈوہیں ملکاں وچال وفد دے تبادلیں تے اتفاق کیتے ۔ لکسمبرگ دے وزیر خارجہ جین ایزلبورن وزارت خارجہ اچ اعلیٰ سطحی وفد دے رلے وزیر خارجہ مخدوم شاہ محمود قریشی نال خمیس کوں ملاقات کیتی ۔ وزیر خارجہ شاہ محمود قریشی لکسمبرگ دے وزیر خارجہ کوں پہلی واری دورہ ءپاکستان تے خوش آمدید آکھیا ۔ ملاقات دے دوران ڈو پاسے تعلقات، تجارت دے ودھارے تے خطے اچ امن دی صورت حال سمیت سانجھے دلچسپی دے امور تے گال مہاڑ تھئی۔وزیر خارجہ آکھیا جو پلوامہ واقعے دے بعد پاکستان ولوں تحقیقات دی یقین دہانی دے باوجود بھارت دراندازی کیتی۔انہاں آکھیے جو پاکستان خطے اچ امن چاہندے تے اساں کشیدگی دے خاتمے کیتے بھارت کوں ہر سطح تے مذاکرات دی دعوت ڈتی اے ۔ لکسمبرگ دے وزیر خارجہ جین ایزلبورن امریکہ اتے طالبان کوں مذاکرات دی میز تے گھن آونڑ اچ پاکستان دے مثبت تے موثر کردار دی تعریف کیتی ۔
مخدوم شاہ محمود قریشی نال لکسمبرگ دے وزیر خارجہ جین ایزلبورن دی ملاقات
مضمون کا ماخذ : لاٹری کا حساب
متعلقہ مضامین
