اسلام آباد۔4 ستمبر(اے پی پی) د افغانستان د سوداګرۍ ټولنې وئيلي دي چې افغانستان اقتصادي ثبات لپاره د نړۍ مرستې ته اړتیا لري. د افغانستان سوداګریزه ټولنه پاكستان سره خپل دوه اړخيزه او افغان ټرانزټ تجارت زياتولو له هڅې كوي۔ د پاك افغان جوائنټ چېمبر آف كامرس اېنډ انډسټريز صدر خان جان الكوزئي اے پي پي سره مركه كښې ووئيل چې هېواد دا مهال يو نازك پړاؤ څخه تېرېږي او د طالبانو اقتدار سنبالولو نه وروسته سوداګره ټولنه نظام او ادارو ته وده وركول غواړي۔ هغه ووئيل د آسيائي پرمختيائي بېنك د شمېرو له مخې افغانستان كښې 47.5 فیصده خلق د بې وزلې له كرښې څخه لاندې ژوند كوي او د پرله پسې روانو جنګونو د لاسه د هېواد اقتصاد په ناوړه توګه ځپلے شوے دے۔ سوداګرې ټولنې پالېسيو كښې د تسلسل په حاجت زور راوړو ولې چې مستقل مزاجي په نظام د خلقو باور په ځائې كوي۔ الكوزئي ووئيل د افغانستان سوداګره ټولنه پاكستان سره خپل دوه اړخيزه او افغان ټرانزټ تجارت زياتولو له هڅې كوي۔ هغه ووئيل د دواړو هېوادونو ترمينځ د كسټم او بېنكنګ نظام ښه كول غواړؤ او د كاسا 1000 ترکمانستان-افغانستان-پاکستان او هند تاپي ګاز پائپ لائن منصوبه هله ترسره كېدې شي كله چې افغانستان كښې امن او ثبات بحال وي۔ الكوزئي ووئيل چې د ځائي سوداګرو نه ځانله د پاك افغان جوائنټ چېمبرز آف كامرس اېنډ انډسټريز 1500 غړي دي او هغوي د دواړو هېوادونو ترمينځه د تجارت په سم ډول د چلولو باور راكړے دے۔ هغه ووئيل په طورخم او چمن پوله او په كراچي بندر ځائې بايد نورې آسانۍ رامخې ته كړې شي دي دغسې چې دوه اړخيزه تجارت زيات كړے شي۔ افغان ټرانزټ ټرېټ اېګريمنټ (اے ټي ټي اے) كښې راروانو درې مياشتو لپاره پراختيا خوشبينه ګرځولو سره هغه په اسلام آباد او كابل زور راوړو چې هغوي دې د پولې دواړو اړخونو ته د اړوندو سوداګرو ټولنو او همكارانو مشاورت سره يو نوے ټرانزټ لوظنامه يو وارې بيا تشكيل كړي۔ په دې مهال د افغانستان چېمبرز آف كامرس اېنډ انډسټريز صدر محمد يونس خان مومند ووئيل چې طالبان مشرتابه سوداګرې ټولنې ته د امن او سلامتيا بحالۍ باور وركړے دے او هغوي د خپلو لوظونو د پالل كېدو هيله لري۔ اے پي پي سره خبرو كښې هغه ووئيل د امن او ثبات بحالۍ نه وروسته د پاكستان او افغانستان ترمينځه دوه اړخيزه تجارت كښې د پراختيا امكانات شته۔ په كال2012 كښې دوه اړخيزه تجارت 3 بلين ډالره ته رسېدلے ؤ خو وروسته د امنيتي او سياسي سببونو له امله دا كمېدو سره يو بلين ډالر پاتے شوے دے او اوس به دا يو وارې بيا زيات شي۔ هغه د وزيراعظم عمران خان افغانستان او د منځنۍ آسيا 5 هېوادونو ازبکستان ، تاجکستان ، ترکمانستان ، کرغېزستان او قازقستان سره سيمه ايزو رابطو ته د خصوصي پاملرنې كولو هڅو ستائنه كولو سره ووئيل دا هڅې دغې هېوادونو لپاره د معاشي پرمختګ سبب ګرځېدې شي ولې بياهم هغه افغانستان كښې امن تر ټولو زيات مهم عنصر وګرځولو دغسې چې د خوشحالۍ وژن عملي كړې شي۔ هغه زياته كړه چې طالبان مشرتابه سوداګرو او غېر ملكي سرمايه كارو ته د فل پروف امنيت وركول باور راكړے دے
افغانستان اقتصادي ثبات لپاره د نړۍ مرستې ته اړتيا لري۔ د افغانستان د سوداګرۍ ټولنې اے پي پي سره خبرې
مضمون کا ماخذ : لاٹری کے انعامات
متعلقہ مضامین
