اسلام آباد ۔ 24 مئی (اے پی پی) پاکستان اچ چین دے سفیر سن وی ڈونگ آکھیا جو گزریل 65سالیں اچ پاک چین تعلقات اچ استحکام آئے،پاکستان اتے چین دی تعلقات سدا بہار سٹرٹیجک تعلقات اچ بدل گئین ۔منگل کوں اتھاں وزارت اطلاعات، نشریات تے قومی ورثہ دے اہتمام نال پاک چین سفارتی تعلقات دی 65 ویں سالگرہ دے موقع تے سیمینار نال خطاب کریندیں ہوئیں انہاں آکھیا جو ڈوہاں ملکاں سفارت کاری اچ آپنڑے تعلقات کوں ترجیحی حیثیت ڈیندے۔اساں ہک ڈوجھے دے مساوی شراکت دار،با اعتماد دوست اتے ہک ڈوجھے دی خود مختاری اتے علاقائی سالمیت دا احترام کریندوں ۔انہاں آکھیا جو ڈوہیں ملک دی آزئش دے ہر ویلھے پورا لہندن اتے دنیا اچ امن تے خوشحالی سانگے اہم عالمی ایشور تے انہاں اچ قریبی تعاون اے ۔ایں موقع تے خارجہ سیکرٹری اعزاز احمد چوہدری خطاب کریندیں ہوئیں آکھیا جو ڈوہاں ملکاں اچ گزریل کجھ سالیں اچ وڈا تعاون سانگے ہک چنگا روڈ میپ بنڑیے۔انہاں آکھیا جو پاک چائنہ اکنامک کوریڈور وچال ودھدے ہوئے تعلقات دی مثال اے۔گزریل کجھ سالیں اچ پاکستان اتے چین وچال ڈو پاسہ تجارت،عوامی سطح تے رابطے اتے دفاعی تعاون بئیا مستحکم تھیے۔
گزریل 65سالیں اچ پاک چین تعلقات اچ استحکام آئے،پاکستان اتے چین دی تعلقات سدا بہار سٹرٹیجک تعلقات اچ بدل گئین ،چین دے سفیر سن وی ڈونگ دا پاک چین سفارتی تعلقات دی 65 ویں سالگرہ دے موقع تے سیمینار نال خطاب
مضمون کا ماخذ : اضافی مرچ
متعلقہ مضامین
