ملتان ۔09 دسمبر (اے پی پی)ڈپٹی چیئرمین قومی احتساب بیورو(نیب )حسین اصغر آکھیے جو برطانیہ اتے بئے ملکاں توں لٹی گئی مزید دولت وختی پاکستان گھن آسوں۔اے گال انہاں ملتان آرٹس کونسل اچ کرپشن مکاونڑ متعلق سیمینار توں پہلے میڈیا نال گال مہاڑ کریندے ہوئیں آکھی اے۔ انہاں آکھیے جو مزید لٹی گئی دولت واپس گھن آونڑ کیتے نیب تے حکومت بہوں کوشش کریندی پئی اے ۔ہک سوال دے جوابا چ انہاں آکھیا جو نیب بہوں سارے کرپٹ لوکاں کوں جیل بجھوائے۔گزریل سال دی نسبت اجوکے سال اچ کرپٹ لوکاں توں ارباں روپے دی ریکارڈ ریکوری کیتی گی اے ۔ انہاں آکھیے جو پاکستان دی عالمی سطح تے کرپشن تے قابو پاونڑ دے انڈیکس اچ بہتری آئی اے۔ ڈپٹی چیئرمین نیب آکھیا جو سرکاری اداریں اچ کم کرنڑ آلے کرپٹ لوکاں دے خلاف سخت کاروائی عمل اچ گھن آئی ویندی پئی اے تے بہوں سارے کرپٹ لوکاں کوں سبق وی مل گے ۔انہاں آکھیے جو ہر سال وانگوں9 دسمبر کوں کرپشن مکاونڑ دا عالمی ڈینھ منایا ویندے ایں ڈینھ کوں مناونڑ دامقصد معاشرے توں بدعنوانی مکاونڑ تے عوام کوں بدعنوانی دے خلاف شعور اتے آگاہی ڈیونڑ اے ۔
مزید لٹی گی دولت وختی برطانیہ توں واپس گھن آسوں، ڈپٹی چیئرمین نیب
مضمون کا ماخذ : ڈریگن کی قسمت
متعلقہ مضامین
