اسلام آباد۔10مارچ (اے پی پی):وفاقی وزیر تعلیم و پیشہ وارانہ تربیت شفقت محمود آکھیے جو تعلیمی اداریں اچ سامݨے آوݨ آلے کورونا کیسز پاروں فیصلہ کیتا ڳئے جو وفاقی دارالحکومت اسلام آباد اتے پنجاب دے 7 وݙے شہراں اچ 15 مارچ توں 28 مارچ تئیں تعلیمی اداریں اچ موس?? بہار دیاں چھٹیاں ہوسن، سندھ اتے بلوچستان اچ 50 فیصد بال سکول آسن ، جنہاں تعلیمی اداریں اچ امتحانات جاری ہن اتھاں امتحانات جاری رہسن ۔ اے ڳالھ انہاں ٻدھ کوں نیشنل کمانڈ اینڈ آپریشن سنٹر اچ اجلاس دے بعد وزیراعظم دے ??عا??ن خصوصی نیشنل ہیلتھ سروسز، ریگولیشنزاینڈ کوارڈینیشن ڈاکٹر فی??ل سلطان دے رلے میڈیا بریفنگ ݙیندے ہوئیں آکھی اے ۔ انہاں آکھیے جو اج دے اجلاس اچ پورے ملک اچ کورونا دے کھنڈݨ اتے تعلیمی اداریں بارے تفصیلات دا جائزہ ڳھدا ڳئے ۔ انہاں آکھیے جو کورونا وائرس کیسز دے حوالے نال سندھ اتے بلوچستان اچ حالات تقریباًٹھیک ہن جݙاں جو پنجاب اتے خیبرپختونخوا، آزاد کشمیر اچ مسئلے نظر آئے ۔ سندھ اتے بلوچستان اچ 50 فیصد ٻال سکول آسن ۔ انہاں آکھیے جو راولپنڈی ، فیصل آباد، گوجرانوالہ، لاہور، گجرات، ملتان اچ 15توں 28 مارچ تئیں تعلیمی ادارے بند رہسن ۔ سیالکوٹ اچ وی 15 مارچ توں 2ہفتے کیتے سکول بند رہسن ۔اسلام آباد دے تعلیمی ادارے وی بند ہوسن ۔ صوبائی حکومتاں حالات خراب تھیوݨ تے سکول بند کر سڳدن ۔ انہاں آکھیے جو صوبائی حکومتاں چنڳے طریقے ??عا??لات دا جائزہ گھنن، جنہاں اداریں اچ امتحانات تھیندے پئن او جاری رہسن ۔ ایں موقع تے وزیراعظم دے ??عا??ن خصوصی ڈاکٹر فی??ل سلطان آکھیے جو ملک اچ کورونا وائرس دے کیسز ودھدے ویندن تے اساݙے ہیلتھ سسٹم تے دباؤ ودھدا ویندے جیں پاروں کجھ اہم فیصلہ کیتے ڳئن ۔