اسلام آباد۔31اگست(اے پی پی) پاکستان اچ وفاقی جمہوری جمہوریہ ای??ھوپیا دے خصوصی ایلچی اتے سفیر ڈاکٹر جیمال بیکر اسلام آباد نیشنل پارک، ٹریل 5 اچ مارگلہ پہاڑیاں کوں کچرے توں پاک کرݨ سانڳے صفائی مہم دی قیادت کیتی جیں توں ??نگ??ی حیات کوں ٻہوں خطرہ اے ۔ ترجمان دفتر خارجہ توں جاری اعلامیہ موجب ای??ھوپیا دے سفارتخانہ ، گھوم لے اتے اسٹوڈیو ون دے اہتمام نال سانجھے طور تے ایں مہم دا آغاز ای??ھوپیا دے وزیر اعظم ڈاکٹر ابی احمد دے گرین لیگیسی انیشیٹو دے تحت ای??ھو پاکستان برادری دے حصے دے طور تے کیتا ڳئے ۔ صفائی مہم اچ حکومتی عہدیداراں، سفارتی برادری، سول سوسائٹی، نینگر تے میڈیا سودھے زندگی دے سارے شعبیں توں تعلق رکھݨ آلے لوکاں شرکت کیتی جیں دا مقصد ݙوہیں ملکاں دے بہتر مستقبل سانڳے مشترکہ کوششاں اڳوں ودھیندے ہوئیں ای??ھو پاکستان برادرانہ تعلقات کوں ودھارا ݙیوݨ ہئی ۔ ایں موقع تے میڈیا نال ڳالھ کریندے ڈاکٹر جیمال بیکر آکھیے اڄ دے اجتماع دا مقصد اے سنھیا ݙیوݨ ہئی جو انسانی اتے مالی وسائل دا وݙے پیمانے تے متحرک ہووݨ عصری اتے نویں عام چیلنجاں جیویں جو موسمیاتی تبدیلی دے مسئلیں نال نبݨݨ دا ھک حل اے ۔ انھاں آکھیے ای??ھوپیا گزریل ہنج سالاں اچ پھل، سبزیاں اتے گھا دے 40.5 بلین توں ودھ ٻوٹے رہا تے ھک ساوی معیشت بݨیندا پئے جیں توں ای??ھوپیا اچ روزگار دے موقع بݨئن تے خوراک دی حفاظت یقینی بݨائی ڳئی اے۔ گرین لیگیسی انیشیٹو دے تحت ریکارڈ بھن ݙیوݨ آلی شجرکاری دا شروع کیتی ڳئی اے جیڑھی میڈیمر فلسفے توں متاثر ساݙے وزیر اعظم د?? اقدامات کوں ظاہر کریندے ، اے اقدامات وسائل کون وݙے پیمانے تے متحرک کرݨ تے انھاں دی صف بندی دی وکالت کریندن ۔ اساں پاکستان اچ ایں گرین لیگیسی انیشی ایٹو دا آغاز کیتے کیوں جو میں ذاتی طور تے پاکستان دے سارے شہراں اچ ڳیاں تے معاشرے دے سارے طبقیں کوں ماحولیاتی تبدیلیاں دے سنگین خطرے کوں گھٹ کرݨ سانڳے متحرک کیتے۔ انھاں نینگراں تے زور ݙتے جو او ایہو جیہے اہم اقدامات سانڳے ساریں توں اڳوں رہن ۔ انھاں اسلام آباد وائلڈ لائف مینجمنٹ بورڈ، گھوم لے اتے اسٹوڈیو ون دا شکریہ ادا کیتے جو انھاں اسلام آباد اچ ای??ھوپیا دے سفارت خانے نال ای??ھے انسانیت دوست تے مہربان اقدام تے شراکت داری کیتی۔ایتھوپیا دے سفیر ݙوہیں ملکاں وچال معیشت، تعلیم، صحت، موسمیاتی تبدیلی، ثقافت اتے ٹیکنالوجی دی منتقلی جیہے مختلف شعبیں اچ ݙو پاسے علاقائی اتے کثیرالجہتی تعاون ودھاوݨ سانڳے ای??ھوپیا نال کم کرݨ سانڳے حکومت پاکستان دے عزم دی وی تعریف کیتی ۔گھوم لے (پرائیویٹ) لمیٹڈ دے چیف ایگزیکٹو افسر محمد حارث ٹریل 5 مارگلہ ہلز دی صفائی سانڳے آپݨی تنظیم اتے ٻئیں نال سانجھ کرݨ تے ای??ھوپیا دے سفارت خانے دا اظہار تشکر کیتا۔انہاں وفاقی دارالحکومت اسلام آباد تے ٻئے شہراں اچ ماحولیات دے تحفظ سانڳے ضروری اقدامات چاوݨ دا عزم کیتا
