سرينګر 09 جون (اے پي پي) په مقبوضه كشمير كښې د چوټه بازار د پېښې د شهيدانو د شهادت ورځ به(سبا)د جمعې په ورځ لمانځلې شي۔د هند قابضو ځواكونو په كال 1991 كښې د جون په 11مه نېټه په سرينګر كښې 30 بې ګناه كشميريان شهيدان كړي وو۔په شهيدو شوو كښې عام وګړي چې پكښې لاروي مېرمنې او ماشومان وو په نخښه شوي وو۔د سرينګر په چوټه بازار سيمه كښې د هند سنټرل ريزرو پوليس فورس اهلكارو د لاسه په قتل عام كښې ګڼ شمېر بې ګناه وګړي شهيدان شوي وو۔په شهيدو شوو كښې د سرينګر د اېس اېم اېچ اېس روغتون يو ډاكټر هم شامل ؤ ۔هندي ځواكونو په پېښه كښې ګڼ شمېر كسان د كورونو او ګاډونو نه د راويستلو سره شهيدان كړي وو۔د ځايې خلقو له مخې د هند سنټرل ريرزو پوليس فورس اهلكارو د كېمپ نه د راوتلو نه پس د ګورنمنټ مېډيكل كالج په دروازه په دوه څوكيدارانو ناتارا ډزې كړې وې او په نتيجه كښې يې دواړه كسان مړه شوي وو ۔د دې پېښې يو لېدونكې ووئيل د هند پوځي ډلو د مېډيكل كالج په وړاندې په يو دوكان كښې په خلقو ډزې كولې د چوټه بازار په دې پېښه كښې د 75 كلنې مېرمنې او يو 14 كلن هلك پشمول د درېو ډرائيورانو او د يو كنډېكټر نه علاوه ګڼ شمېر مسافر د ګاډو نه د راكوزلو نه پس وژلې شوي وو٬عيني شاهدان وائي چې د هند پوليس اهلكار دوكانونو او كورونو ته ننوتلې وو او خلق يې شهيدان كړي ۔د دې پېښې د 30 كاله تېرېدو نه پس ځايې خلق وائي چې د هندي ځواكونو اهلكارو په بې ګناه خلقو ډزې كولې ٬په مقبوضه كشمير كښې د پوليس يو پخواني افسر خبريالانو ته ووئيل د پوليس په ډزو شهيد شوي ټول عام وګړي وو۔ دغسې قابض انتظامې د هندي حكومت په خوښه د پېښې تحقيقات ونه كړل او د بشري حقونو عالمبردار جليل اندرابي يې څه موده پس شهيد كړو۔د هندي پوځ د لارې په دې اجتماعي قتل پرده اچولې شوې ۔د سرينګر په كرنګر پوليس سټېشن كښې د هندي پوليس په ضد د دفعه 302 له مخې د پوځدارۍ مقدمه هم درج ده خو په دې قتل عام كښې د ككړو تورونو په ضد كومه كاروائي ونه كړې شوه٬ 30 كاله پس هم د سرينګر د چوټه بازار د قتل عام ځپلې كورنۍ او كشميرے اولس نن هم د انصاف په طمعه دے۔د هندي ځواكونو د لارې د چوټه بازار پشان د قتل عام مقصد په كشميريانو كښې يره خپرول دي ځكه چې كشميري اولس باوجود د ټولو ستونزو د آزادۍ هڅو لپاره پوخ عزم لري٬هندي قابض ځواكونو په مقبوضه كشمير كښې د رياستي ترهه ګرۍ په پېښو كښې د كال 1989 نه تراوسه د يو لك نه زيات كشميريان شهيدان كړي او تر نن يو مجرم هم د قانون منګولو ته نه دے سپارلے شوے۔په مقبوضه كشمير كښې د چوته بازار د شهيدانو په ياد كښې په سرينګر او نورو سيمو كښې د پوسټرو لګولو لړۍ روانه ده۔په پوسټرو د ملګرو ملتونو د قراردادونو تر عملي كولو هڅې روانو ساتلو لپاره د كشميريانو د عزم څرګندونه شوې۔د پوسټرو د لارې هند ته وئېلي شوي چې هغه دې د كال 2019م د اګست د پنځمې نېټې غېر قانوني اقدامات بېرته واخلي او د جمو كشمير ځانګړے شناخت او متنازع حېثيت دې په ځاې وساتي٬په پوسټرو كښې خلقو ته وئېلي شوي چې تاسو د سركاري نوكرو څخه د ويستلے شوو ملازمانو سره د يو والي څرګندونه وكړې او د هند وګړي په مقبوضه سيمه كښې په آبادولو مسلم اكثريت ختمولو لپاره د هند ناوړه منصوبې ناكامه كولو لپاره اتحاد او اتفاق زيات كړې
مقبوضه كشمير كښې د چوټه بازار پېښې د شهيدانو د شهادت ورځ(سبا)لمانځلې شي
مضمون کا ماخذ : کمپیوٹر لاٹری کے نمبر
متعلقہ مضامین
