اسلام آباد ۔ 3 جولائی (اے پی پی)وزیر خارجہ مخدوم شاہ محمود قریشی آکھیے جوبھارت اپنڑے جارحانہ عزائم تے عملدرآمد سانگے پورے خطے دا امن داءتے لیندا پئے،بی آر آئی اتے سی پیک منصوبیاں نال پاک چین رابطے بئے ودھسن،اقتصادی ترقی وی اگو تے ٹرسی۔اے گالھ وزیر خارجہ مخدوم شاہ محمود قریشی اپنڑے چینی ہم منصب وانگ ژی نال گالھ مہاڑاچ کیتی۔انہاں وانگ ژی کوں ٹیلیفونک کیتے،عالمی سطح تے اہم علاقائی و عالمی امورسانگے ہکو سویں مقاصد کیتے تعاون تے اتفاق کیتے۔ڈوہاں وزرا خارجہ آپسی تعلقات تے اطمینان کریندے ہوئے انہاں کوں بیا تکڑا کرنڑ کیتے سی پیک جھیں منصوبیاں تے تیکھے پیش رفت،اوکھے سوکھے ویلھے ہک بئے دا ہتھ ونڈائی رکھنڑ،مسلہ کشمیر جھیں ہکو سویں مسلیاں خاص کرپاکستان چین دی “ون چائینہ پالیسی اتے ہانگ کانگ، تبت، تائیوان،سنکیانگ بارے حمایت دا عزم دوہرایا۔شاہ محمود قریشی مقبوضہ کشمیر دی صورتحال،لائنآ ف کنٹرول دی مسلسل خلاف ورزیاں اتے مسلماناں دے خلاف بھارت دے جارحانہ عزائم،اتے ایں سانگے خطے دے امن بارے پاکستان دا چنتا ڈسائے۔چینی وزیر خارجہ خطے اچ امن کیتے پاکستان دے کردار دی تعریف کیتی اتے چین ولوں ہر فورم تے حمایت دا یقین ڈیوایااتے آندے پاک، چینن افغانستان سہ ملکی وزرائے خارجہ مذاکرات تیکھے کراونڑ تے زور ڈتا۔
بھارت اپنڑے جارحانہ عزائم تے عملدرآمد سانگے پورے خطے دا امن داءتےھ لیندا پئے، وزیر خارجہ مخدوم شاہ محمود قریشی دی چینی ہم منصب وانگ ژی نال گالھ مہاڑ
مضمون کا ماخذ : loteria Ceará
متعلقہ مضامین
