اسلام آباد۔21جون (اے پی پی):وزیر خارجہ مخدوم شاہ محمود قریشی آکھیے جو پاکستان افغانستان اچ امن عمل دی حمایت جاری رکھیسی ،قیام امن کیتے پوری دنیا دے نال تعاون جاری رکھیندے ہوئیں اساں امن دیاں کوششاں اچ شراکت دار رہسوں ۔سنوار کوں دورہ ترکی تے خطے دی صورتحال دے حوالے نال بیان اچ وزیر خارجہ آکھیے جو افغان امن عمل نازک مرحلے اچ داخل تھی چکے ۔افغانستان اچ امن کئی ملکاں دی ترجیح اے ۔ انہاں آکھیے جو ترکی اچ میفی افغان ہم منصب حنیف اتمر دے نال ملاقات تھئی اتے افغانستان اچ ݙو طرفہ تعلقات اتے امن عمل دے حوالے نال مفید ڳال مہ??ڑ تھئی ۔وزیر خارجہ آکھیے جو افغانستان دی اعلیٰ سطح دی مفاہمتی کونسل دے چیئرمین ڈاکٹر عبداللہ عبداللہ نال وی مفيد نشست رہی اے ،افغانستان دی اندرلی صورتحال دا اندازہ تھیا تے میکوں پاکستان دا ݙ??ٹو?? مؤقف پيش کرݨ دا موقع ملیا ۔انطالیہ سفارتی فورم دے حوالے نال وزیر خارجہ آکھیے جو انطاليہ اچ مختلف ملکاں دے وزرائے خارجہ موجود ہن،ملاقاتاں دے دوران پاکستان دا نکتہ نظر پيش کرݨ دا موقع ملیا ۔شاہ محمود قریشی آکھیے جو فلسطين دے اپݨے ہم من??ب نال ملاقات اچ مسئلہ فلسطين تے تفصیلی ڳال مہ??ڑ تھئی ۔قطر تے کویت دے وزرا خارجہ نال ملاقاتاں اچ مشرقِ وسطیٰ دی صورتحال تے ڳال تھئی ۔يمن دی صورتحال سعودی عرب نال ڳال مہ??ڑ تھئی۔شاہ محمود قریشی آکھیے جو پاکستان دے کردار کوں اڄ ساری دنيا چنڳی نڳاہ نال ݙیکھدی پئی اے ۔وزير خارجہ آکھیے جو يورپی ??ون??ن دے اعلیٰ نمائندہ خارجہ امور نال وی اہم ملاقات تھئی اے ۔ انہاں دورہ برسلز دی دعوت ݙتی ،ایندے توں علاوہ یورپی یونین دے اعلیٰ نمائندہ خارجہ امور وزيراعظم عمران خان کوں وی دورہ برسلز دی دعوت ݙتی اے ۔وزیر خارجہ مقبوضہ کشمیر دے حوالے نال آکھیے جو میڈیا رپورٹس موجب مودی سرکار دے اجلاس اچ ٻہوں ساریاں چیزاں تے بحث کیتی ویسی۔
پاکستان افغانستان اچ امن عمل دی حمایت جاری رکھیسی ، شاہ محمود قریشی
مضمون کا ماخذ : جنگل کے راز
متعلقہ مضامین
