پېښور 25 مئي (اے پي پي) وزیراعظم محمد شهباز شریف وئيلي دي په 9 او 10 مئي په رامخې ته شوو ناوړه پېښو د پاكستان اولس زړونه دړديدلي دي،د 9 مئي د شر خوښو د ترهه ګرو او د هېواد دښمنانو تر مينځه كوم فرق نشته، دغه ټولو شرخوښو له به د قانون او انصاف له مخې سزا ضرور وركولې شي دغسې چې څوك هم بيا داسې څه حركت ونه كړي، تاریخی او قامی ورثه سوزول هېواد سره مينه نه ده، د ریډیو پاكستان ملازمانو حوصلې ته سلام كوم ، د اطلاعات وزیره دې د ریډیو پاكستان پیښور ځپلي ودانۍ په سمدستي توګه بحالۍ له اقدامات وكړي۔ده د زيارت په ورځ د ريډيو پاكستان پېښور دوري په موقع خبرې كولې۔په دې موقع د اطلاعات او خپرونو وزیره مرېم اورنګزیب ، ډی جی ریډیو پاكستان طاهر حسن هم خطاب وكړو او ریډیو پاكستان ته په 9 او 10 مئي د شرخوښو د لاسه د رسيدلي زيان او د بحالۍ په كارونو ئې بریفنګ وركړو۔په دې موقع نګران وزیراعلیٰ اعظم خان ٬د كورنيو چارو وفاقی وزیر رانا ثنا الله، د خزاني وزیر اسحاق ډار ، د منصوبه بندۍ وفاقی وزیر احسن اقبال او نور هم ده سره وو۔وزیراعظم ووئيل نن مونږ ټول د ريډيو پاكستان پیښور د ودانۍ په ليدلو غمجن شوو۔په دې ودانۍ كښې د پاكستان جوړيدلو څخه وړاندې ریډیو كاسیټ اپ موجود وو او دلته څخه د لاهور غوندې د 13 او 14 اګست 1947 په شپه د آزادۍ غږونه پورته شوي وو او ټولي نړۍ د دې تاریخی مركز څخه د قائداعظم د عظیمو هلو ځلو او ګڼو مسلمانانو د قربانيو په نتيجه كښې د پاكستان جوړيدو زيرے اوريدلے ؤ۔ ده ووئېل په 9 او 10 مئي چې كومي پېښي رامخې ته شوي هغې سره ټول پاكستانيان دړديدلي دي۔ده ووئيل د كوم سنټر څخه چې د پاكستان جوړيدو زيرے اوريدلے شوے هغه سوزولے شوے ،دې څخه زيات به د هېواد سره دښمني څه وي۔ دې سره د چاغی جوړ یادګار هم تباه كړے شوے ، دغه یادګار د پاكستان دفاعی طاقت شاهكار ؤ كوم چې ذوالفقار علی بھټو شروع كړے ؤ او د هغې انتها په 28 مئي 1998 شوې وه۔ده ووئېل په دې مهال ټولو حكومتونو دې عظیم دفاعی پروګرام كښې خپله برخه اچولي۔ وسائل او توانائی وركړې شوې ۔په يو عزم او عرق ریزی سره دغه منصوبې بشپړې شوي او د ټولو د اجتماعی هڅو په نتيجه كښې پاكستان اتومي طاقت جوړ شوے او تر قیامت د پاكستان دښمن دې ته په ناوړه سترګه نه شي كتلې۔ ده ووئېل هغه یادګار تباه كړے شوے۔دا هېواد سره دښمني ده۔ده ووئيل د پېښور ریډیو پاكستان څخه د پاكستان زيرے اورونكے ظهور اظهر ، مصطفیٰ همدانی په شان وګړي د تاریخ په پاڼو كښې به عمر له ياد ساتلې شي۔دلته موجود آركائیوز سوزولې شوے۔ ده ووئېل نړۍ خپل شناخت او تاریخی ورثي د ځان څخه زياتي عزیز ګڼي دغسې چې نوي نسلونه دې څخه خبر پاتي شي او دلته هغه ټول سوزولې شوي۔ افسوس چې دغه ډیجیټلائز شوې وې خو وخت ملګرتيا ونه كړه۔ د صوۃ القرآن برخه بچ شوې ٬ په دې د لوي څښتن مننه كوو۔ده ووئيل 100 كلن ریكارډ تباه كول د افسوس خبره ده۔د دې ادارې د ملازمانو حوصلې ته سلام كوم ٬ عبدالله او نصیر په دې مهال ژوبل شوي د هغوي جرات او شجاعت ته سلام كوو۔ وزيراعظم ووئېل زمونږ وسله والو ځواكونو او وګړو عمر له د هېواد حفاظت كړے ۔په دې موقع وزیراعظم په سمدستي توګه د ملازمانو تنخاګانو وركولو احكامات جاریي كړل د كومو انتظام به چې نن كولې شي۔وزیراعظم ووئيل زما دوره نمائشی نه ده۔ د ناوړه پېښو نه پس بايد مونږ ته اندازه وشي چې چا دا ډول كار كړے۔ وزیراعظم ووئيل مونږ دا لوظ كوو چې دا ډول پېښي به بيا ونه كړې شي۔ دښمن هم دومره جسارت نه شي كولې۔ په دې شر خوښۍ كښې ككړ عناصر به قانون سره مخ كولې شي۔ وزیراعظم د اطلاعات وزیري ته ووئيل چې د ریډیو د ودانۍ مرمت كار په سمدستي توګه پيل كړئ دغسې چې دا اداره بيا د پاكستان او ټولې نړۍ كښې زمونږ عزم او د ولولې ذكر وكړې شي او د ستونزو باوجود مونږ د قائداعظم د پاكستان خوب له تعبيرضرور وركړو
د 9 مئي شر خوښو له به قانون او انصاف له مخې سزا ضرور وركولې شي، د وزیراعظم شهباز شریف د ريډيو پاكستان پیښور دوري په موقع خبرې ،د ودانۍ د بيا رغوني كار په سمدستي توګه د پيل كولو سپارښتنه
مضمون کا ماخذ : موبائل سے لاٹری کھیلیں
متعلقہ مضامین
.jpg)
