اسلام آباد ۔ 20 مئی (اے پی پی) وفاقی وزیر ریلوے شیخ رشید احمد ڈویژنل سپریٹنڈنٹ ریلوے سید منور شاہ دیاں کاوشاں نال راولپنڈی سٹیشن تے انورایکس سولر انرجی کمپنی ولوں بطور تحفہ ایل ای ڈیز دی فراہمی دا خیرمقدم کریندے ہوئیں آکھیے جو پرائیویٹ کمپنیاں اتے کاروباری اداریں ولوں ریلوے سٹیشن تے شہریاں کوں مزید سہولتاں ڈیونڑ کیتے دلچسپی گھننڑ خوش آئند قدم اے ۔ شیخ رشید احمد راولپنڈی ریلوے سٹیشن دا دورہ کیتا جتھاں ڈویژنل سپریٹنڈنٹ سید منور شاہ انہاں کوں بریفنگ ڈیندے ہوئیں ڈسائے جو انورایکس سولر انرجی کمپنی راولپنڈی، چکلالہ اتے بئے ریلوے سٹیشنز کیتے وڈی ایل ای ڈی سیکرینز(ٹیلی ویژن) فراہم کیتن جیں دا مقصد ریلوے سٹیشن دے انتظار اچ بیٹھے مسافراں کوں حالات حاضرہ نال باخبر رکھنڑتے انہاں کوں انٹرٹینمنٹ دی معیاری سہولت ڈیونڑ اے۔ وفاقی وزیرریلوے پاکستان ریلویز دے سٹیشن کیتے تحفے اچ ایل ای ڈیز ڈیونڑ دے عمل دی تعریف کریندے ہوئیں آکھیا جو اساں پرائیویٹ کمپنیاں اتے کاروباری اداریں دے نال رل تے ریلوے سٹیشن تے بہتر توں بہتر سہولتاں ڈیونڑیاں ہن تے پرائیویٹ سیکٹر دی دلچسپی قابل ستائش اے۔
وفاقی وزیر ریلوے شیخ رشید احمد دا راولپنڈی ریلوے سٹیشن دا دورہ
مضمون کا ماخذ : پرامڈ ادا کرتا ہے۔
متعلقہ مضامین
