اسلام آباد ۔ 24 مئی (اے پی پی) وزیراعظم دے مشیر خزانہ، محصولات تے اقتصادی امورڈاکٹرعبدالحفیظ شیخ آکھیے جو پاکستان اچ سرمایہ کاری سانگے دوستانہ ماحول ڈتا گئے، ملک اچ سرمایہ کاری سانگے ڈتے گئے سازگارماحول نال کاروباری لوکیں کوں فائدے گھنڑ چاہیدن ، ڈوہائیں ملکاں وچال رابطے ودھاونڑ سانگے پاکستان اتے امریکا کو ں ہکو جئے اقدامات کرنڑ پوسن۔ایہ گالھ ڈاکٹر عبدالحفیظ شیخ پاکستان اچ امریکا دے ناظم الامور پال ڈبلیو جونز نال ملاقات دوران گالھ مہاڑ کریندے ہوئیں آکھی۔ملاقات اچ پاکستان اتے امریکا وچال ڈوطرفہ تعلقات اتے ڈوہائیں ملکاں وچال تعاون ودھاونڑ توں متعلق اموربارے گالھ مہاڑ کیتی گئی۔عبدالحفیظ شیخ امریکی ناظم الامورکو ںمعیشت دے استحکام اتے معیشت کوں مضبوط بنیادیں تے کھڑا کرنڑ سانگے حکومت ولوں کیتے گئے اقدامات بارے ڈسایا ۔ملاقات اچ ڈوطرفہ تعلقات اتے سرمایہ کاری تے توجہ ڈیونڑ دی ضرورت تے زورڈتا گیا۔وزیراعظم دے مشیر آکھیا جو پاکستان امریکادے نال تعلقات دی ہک پرانڑیں تریخ رکھیندے ،ڈوہائیں ملکاں دے عوام وچال رابطے ودھانور سانگے پاکستان اتے امریکا کوں ہکو جئے اقدامات کرنڑ پوسن۔امریکی ناظم الامور نویاں ذمہ داریاں سانبھنڑ تے مشیرخزانہ کوں مبارخ ڈتی۔ انہاں دا آکھنڑ ہا جو ڈوہائیں ملکاں وچال اقتصادی اتے تجارتی تعلقات بیا ودھسن ۔
مشیر خزانہ ڈاکٹرعبدالحفیظ شیخ دی امریکی ناظم الامور پال ڈبلیو جونز نال ملاقات اچ گالھ مہاڑ
مضمون کا ماخذ : لاہور لاٹری
متعلقہ مضامین
