اسلام آباد ۔ 23 جولائی (اے پی پی)وزیراعظم عمران خان پاکستان ولوں بھارت سودھے سارے ہمسایہ ملکاں نال چنگے تعلقات دی خواہش کریندے آکھیے جو خطے دی ترقی کیتے امن بہوں ضروری اے،کشمیر دا مسلہ کشمیریاں دی مرضی دے مطابق حل تھیونڑاں چاہیدے،کیوں جو پاکستان اتے بھارت وچال بنیادی تنازعہ کشمیر اے، مقبوضہ کشمیر اچ مقامی تنظیماں کارروائیاں کریندیاں پین، مقبوضہ کشمیر اچ آزادی دی تحریک مکمل طور تے مقامی اے، کشمیری نوجوان بھارتی مظالم توں تنگ تھی تے بندوق چاونڑ تے مجبور تھین۔ حافظ سعید دی گرفتاری بارے مسلح ملیشیاءپاکستان دے مفاد اچ نئیں،اساں پہلے ہی کالعدم تنظیماں کوں غیر مسلح کرڈتے اتے اے پاکستان دے مفاد اچ اے جو اساں کہیں مسلح گروہ کوں اپنڑی سرزمین استعمال نہ کرنڑ ڈیسوں۔وزیراعظم آکھیے جو افغانستان اچ امن تریے ملکاں دے مفاد اچ اے،پاکستان افغانستان اچ امن عمل کیتے کوشش جاری رکھیسی، افغانستان دے آندے انتخابات اچ طالبان دی شمولیت ضروری اے، اتھو ونج تے طالبان نال الویساں۔وزیراعظم آکھیے جو اوکھے ویلھے اچ مدد کرنڑ تے متحدہ عرب امارات اتے سعودی عرب دے شکر گذار ہیں۔ ایران امریکا جھیڑے بارے انہاںا ٓکھیے جو ایران تنازعہ دے فریق ملکاں کوں ایندی سنگینی دی سمجھ ہوونڑی چاہیدی اے جو پاکستان ایندے توں سب توں ودھ متاثر تھیسی،جیکر جنگ تھئی تاں ایندے مستقبل تے بہوں گندے اثرات پوسن تہوں معاملے کوں سمجھداری نال طے کرنڑا چاہیدے۔
حکومت سارے ہمسایہ ملکاں نال چنگے تعلقات چاہندی اے،خطے اچ امن کیتے مسلہ کشمیر اتے افغانستان دا حل ضروری اے، وزیراعظم عمران خان
مضمون کا ماخذ : میگا جیک پاٹس: کلیوپیٹرا
متعلقہ مضامین
