اسلام آباد۔11فروری(اے پی پی) د اطلاعاتو ٬ خپرونو او پارليماني چارو نګران وفاقي وزير مرتضی سولنګي وئيلي دي چې نګران حكومت د سوليزو او بې پرې ټولټاكنو كولو ذمه واري ترسره كړه٬ د ټاكنو نتيجې د ټاكنو د سپېځلتيا ګواهي وركوي٬ د ټاكنو په ورځ وګړو ٬ پولنګ عملې او پولنګ سټېشنونو ته د پېښو خطرو له امله موبائل سروس بند وساتلے شو٬ چې وضاحت يۍ داخله وزارت كړے دے٬ مونږ لپاره د خپلو وګړو ژوند محفوظ جوړول زيات اهم وو۔ ده دې خيالاتو څرګندونه ده د اتوار په ورځ د ”جی ټی وی“ پروګرام كښې خپلو خبرو كښې وكړه۔ نګران وفاقي وزير ووئيل د ټاكنو په ورځ د موبائل سروس بند ساتلو په اړه داخله وزارت وضاحت كړے دے٬ مونږ لپاره د وګړو ژوند زيات اهم وو٬ وګړو ٬ پولنګ عملې او پولنګ سټېشنونو لپاره خطر موجود وو٬ د وګړو تږ راتږ محفوظ جوړول زمونږ ذمه واري وه۔ د يوې پوښتنې په ځواب كښې ده ووئيل د ټاكنو په عمل تل شخړې رامخې ته شوي دي۔ دغسې د كال 2018ءاو 2013ء ټاكنې هم وې۔ ده ووئيل نګران حكومت د ټاكنو كول باوري كولو كښې د الېكشن كمېشن هره ممكنه مرسته وكړه٬ مونږ د سولييزو ټول ټاكنو كولو خپل لوظ وپاللو۔ ده ووئيل د ټاكنو نتيجې د ټاكنو د سپېځلتيا ګواهي وركوي۔ د يوې بلې پوښتنې په ځواب كښی وفاقي وزير ووئيل د آئین او قانون له مخې د اقتدار منتقل كولو تګلاره موجود ده۔ د ټاكنو نتيجې چې كله اړوندو اسمبليو ته ورسي نو موجود سپيكران به د اسمبليو غونډې راوبلي۔ وزیراعظم او اعلی وزيران چې څه وخت سوګند پورته كړي نګران حكومتونه به تحليل شي۔
نګران حكومت د سوليزو او بې پرې ټولټاكنو كولو ذمه واري ترسره كړه٬ د ټاكنو نتيجې د ټاكنو د سپيځلتيا ګواهي وركوي٬ د نګران وفاقي وزير مرتضی سولنګي د ”جی ټی وی“ پروګرام كښې خبرې
مضمون کا ماخذ : آن لائن اسکریچ کارڈز
متعلقہ مضامین
