پاکستان دا مستقبل جمہوریت اچ ہے، وزیراعظم شاہد خاقان عباسی دا میانوالی دی تحصیل عیسیٰ خیل اچ گیس فراہمی دے منصوبے دے افتتاح دے بعد عوامی اجتماع توں خطاب

APP39-10 MIANWALI: February 10 - Prime Minister Shahid Khaqan Abbasi addressing a public gathering. APP

میانوالی ?? 10 فروری (اے پی پی) وزیراعظم شاہد خاقان عباسی آکھیے جو پاکستان دا مستقبل جمہوریت اچ ہے، جمہوریت دا تسلسل برقرار رہنڑ نال ملک ترقی کریسی۔2018دے بعد مسلم لیگ ن دی حکومت قائم تھیسی ،موجودہ دور حکومت اچ جتنے ک?? تھن اتنے 65سال اچ وی کائنی تھے ،سینیٹ انتخابات اچ لٹ تے ضمیر فروشی کرنڑ آلے عوام دے نمائندے کائنی تھی سگدے جیرھے لوک ہارس ٹریڈنگ اچ ملوث ہوسن انہاں کوں بے نقاب کریسوں ۔ او ہفتے ک??ں اتھاں میانوالی دی تحصیل عیسیٰ خیل اچ گیس فراہمی دے منصوبے دے افتتاح دے بعد عوامی اجتماع توں خطاب کریندے پے ہ?? ۔ ایں موقع تے این اے 71توں رکن قومی اسمبلی عبیداللہ خان شادی خیل وی خطاب کیتا۔ اجتماع اچ ارکان قومی اسمبلی سردار ممتاز ٹمن، جاوید اخلاص، صوبائی وزراءراجہ اشفاق سرور، تمکین نیازی ، مسلم لیگ(ن) دے رہنما حنیف عباسی، انجم عقیل اتے صدیق الفاروق وی موجود ہن۔وزیراعظم شاہد خاقان عباسی آکھیا جو عیسیٰ خیل آ تے انہاں کوں خوشی تھی اے عبید اللہ شادی خیل اتے اساں25سال کٹھے سیاست کیتی اے، ایں علاقے اچ سوئی گیس دے منصوبے دا افتتاح کرنڑ دے میکوں ودھ ساری خوشی تھی اے ۔اے پنجاب اچ سوئی گیس دا وڈا منصوبہ اے جیں تے2 ارب30 کروڑ روپے لاگت آسی ، پورے این اے 71 دے عوام کوں سوئی گیس دی فراہمی اساڈا منصوبہ اے۔ انہاں آکھیا اے مسلم لیگ(ن) دی حکومت تے نواز شریف دا کارنامہ اے، جڈاں اساڈی حکومت آئی تاں ایں ملک اچ گیس دے ک??کشن تے پابندی ہئی اج ??یں کوں وی سوئی گیس دا کنکشن چاہیدے اینکوں ملدا پے ۔سی این جی تے لمبیاں قطاراں مک گن 2013اچ عوام ن لیگ کوں جیرھا مینڈیٹ ڈتا ہئی ایندے ثمرات ہن ۔اج ??رباں روپے نال ایں علاقے اچ موٹر وے بنڑدیاں پن ، حسن ابدال توں ڈیرہ اسماعیل خان تئیں موٹر وے دا منصوبہ پورا تھیونڑ دے نیڑے ہے ایندے نال علاقے دی تقدیر بدل ویسی ڈوجھے علاقیں اچ کم کرنڑ آلیں کوں اپنڑے علاقے اچ روزگا ر مل ویسی ۔ایندے توں پہلے وزیراعظم تحصیل عیسی خیل دی تحصیل اچ گیس دے منصوبے دا افتتاح کر ڈتا جیں تے2ارب30کروڑ روپے لاگت آسی تے58 کلومیٹر طویل پائپ لائن وچھائی ویسی۔

مضمون کا ماخذ : سکاراب ملکہ