کولمبو۔02 دسمبر(اے پی پی)وزیر خارجہ مخدوم شاہ محمود قریشی آکھیے جو سری لنکا دے وزیر خارجہ ڈائنش گناوردینا نال انہاں دی ملاقات خوشگوار رہی اے۔ میکوں اے اعزاز وی حاصل اے جو میں سری لنکا دی نویں قیادت دیاں ذمے واریاں سنبھالنڑ دے بعد سری لنکا دا دورہ کرنڑ آلا پہلا وزیر خارجہ ہم ۔اے گال انہاں سنوار کوں سری لنکا دے وزیر خارجہ نال ملاقات دے بعد میڈیا نال گال مہاڑ کریندے ہوئیں آکھی اے ۔شاہ محمود قریشی آکھیا جو میری سری لنکا دے ہم منصب نال ملاقات بہوں چنگی رہی اے انہاں آکھیے جو پاکستان اتے سری لنکا وچال بہوں پرانڑیں برادرانہ تعلقات ہن اساں انہاں تعلقات کوں مزید ودھاونڑ کیتے گال مہاڑ کیتی اے ۔میں سری لنکا دے وزیر خارجہ کوں دورہ پاکستان دی دعوت ڈتی اے ۔تے سری لنکان دے نویں منتخب صدر گو ٹابایا راجا پاکسا اتے وزیر اعظم نال وی ملاقات کریساں،اساں خطے اچ قیام امن کیتے ہک ڈوجھے نال تعاون کریندے رہسون تے سانجھی تجارت دے ودھارے سمیت اگوں ودھنڑ دے بہوں سارے موقع ہن ۔
سری لنکادے وزیر خارجہ نال ملاقات خوشگوار رہی اے، وزیر خارجہ مخدوم شاہ محمود قریشی دی کولمبو اچ میڈیا نال گال مہاڑ
مضمون کا ماخذ : نتیجہ بہت زیادہ
متعلقہ مضامین
