اسلام آباد ۔ 24 جون (اے پی پی) پاکستان چار بھارتی شہریاں کوں دہشت گرداں دی فہرست اچ شامل کر ڈتے،اقوام متحدہ کوں ایں بارے ڈسا ڈتا گئے ۔بدھ کوں دفترخارجہ دے ترجمان ملک اچ تخریبی سرگرمیاں بارے ہک سوال دا جواب ڈیندیں ہوئیں آکھیا جو پاکستان 2019ءاچ اقوام متحدہ دی سلامتی کونسل 1267 دی سینکشن لسٹ دے تحت وینومادیو ڈونگارا ، اجے مستری ، گوبندا پٹنائک ، اتے انگارا اپا جی نامی چار بھارتی شہریاں کوں دہشت گرداں دی فہرست اچ پاونڑ دی تجویز پیش کیتی ہئی ۔اے بھارتی شہری ٹی ٹی پی ، جماعت الاحرار اتے بئے دہشت گرد گروہاں کوں مالی،تکنیکی اتے مادی مدد ڈے کراہیں پاکستان دے اندر دہشت گردی دی مالی تعاون،سرپرستی اتے منظم کریندے پئے ہن۔ترجمان آکھیا جو اساکوں مایوسی تھئی جڈانجو پاکستان ولوں وینومادھا ڈونگارا کوں دہشت گرد قرار ڈیونڑ دی تجویز تے اعتراض کیتا گئیا ہئی۔ترجمان آکھیا جو اے بھارتی شہری ہنڑ وی پورے استثنیٰ نال بھارت اچ رہندے پئن جیڑھا جو پاکستان دے ایں موقف کوں ثابت کریندے جو بھارت ریاستی دہشت گردی اچ ملوث اے۔
پاکستان چار بھارتی شہریاں کوں دہشت گرداں دی فہرست اچ شامل کر ڈتے،اقوام متحدہ کوں ایں بارے ڈسا ڈتا گئے ،ترجمان دفتر خارجہ
مضمون کا ماخذ : ایزٹیک واریر شہزادی
متعلقہ مضامین
