اسلام آباد۔10 ج??لا??ی (اے پی پی)تعمیرات و ترقی متعلق قومی رابطہ کمیٹی دے اجلاس دے بعد وزیراعظم عمران خان آکھیے جو پوری دنیا اچ کورونا وائرس توں معاشی بحران اے جیں نال نبڑنڑ کیتے متعلقہ ملک مختلف حکمت عملی بنڑیندے پن اساں فیصلہ کیتے جو شعبہ تعمیرات دے ذریعے اپن??یا?? معاشی سرگرمیاں کوں فعال کروں ۔انہاں آکھیے جو معیشت دا مسئلہ صرف پاکستان کوں کائنی بلکہ پوری دنیا دا مسئلہ اے شعبہ تعمیرات دے فعال تھیونڑ نال لوکاں کوں روزگار مل ویسی تے لوکاں کوں غربت اچوں کڈھیا ویسی ۔ وزیراعظم آکھیے جو قومی رابطہ کمیٹی دی نگرانی میں خود کریساں تے ہر ہفتے ایندا اجلاس تھیسی۔وزیراعظم آکھیے جو مذکورہ کمیٹی نواں پاکستان ہاﺅسنگ سکیم دے نال مجموعی طور تے شعبہ تعمیرات دے پیش آندے مسئلیں دا جائزہ گھن تے انہاں مسئلیں کوں حل کریسی۔انہاں آکھیے جو ایندے توں پہلے پاکستان اچ اینجھا کوئی کم کائنی تھیا ۔ انہاں آکھیے جو ایں شعبیے کیتے تعمیرات نال ج??یا?? صنعتاں سمجھ گھنن جو حکومت ولوں ڈتے گئی مراعات توں فائدہ چاونڑ کیتے اے ایلھا اہم اے ،وزیراعظم عمران خان ڈسائے جو حکومت نواں ہاﺅنگ سکیم کیتے 30ارب دی سبسڈی ڈتی اے ، ہاوسنگ اسکیم دے تحت پہلے ہک لکھ گھراں کوں ترائے ترائے لکھ روپے دی سبسڈی ڈتی ویسی جیرھے لوک5 مرلے دے گھر دی تعمیرات کیتے بینک توں قرضہ گھنسن ، انہاں کوں 5فیصد جڈاں جو 10مرلے دے گھر کیتے قرضہ گھننڑ آلیں کوں ست فیصد سود ڈیونڑاں پوسی ۔وزیراعظم آکھیے جو اسٹیٹ بینک ساریاں نجی بینکاں نال گال کیتی اے جو شعبہ تعمیرات کوں سہارا ڈیونڑ کیتے مجموعی پورٹ فولیو دا صرف 5فیصد تعمیراتی صنعت کیتے مختص کرن ۔ایں اعتبار نال اے 330 ارب روپے تعمیراتی صنعت کیتے رکھیا ویسی انہاں آکھیے جو لوکاں کوں این او سی کیتے بہوں ساری اوکھ دا سامنڑاں تھیندے بہوں گھٹ این او سی گھن??یا?? پوسن تے نال ہی ون ونڈو آپریشن شروع کرڈتے ۔وزیر اعظم آکھیے جو تعمیراتی صنعت نال جڑیے لوکاں کیتے ویب سائٹ متعارف کرائی اے جتھاں لوک گھر بہہ تے ساریاں سہولتاں دستیاب ہوسن ۔ دنیا وچن ساریں توں ودھ بینک گھراں کیتے قرضے ڈیندن ۔ انہاں آکھیے جو نواں پاکستان ہاﺅسنگ پروگرام دا مقصد اے جو غریب طبقہ گھر بنڑا سگے ۔
ہاﺅسنگ سکیم دے تحت حکومت 30ارب روپے دی سبسڈی ڈتی اے ،گھر بنڑاونڑ کیتے ہک گھر کوں ترائے لکھ روپے دی سبسڈی ملسی، وزیر اعظم عمران خان
مضمون کا ماخذ : sorteos da loteria
متعلقہ مضامین
.jpg)
