حکومت په درآمدات بندېز لرې كوي۔ د خزانې وزير مفتاح اسماعيل پريس کنفرنس

APP52-180822 ISLAMABAD: August 18 - Federal Minister for Finance, Miftah Ismail addressing a press conderence at PTV HQ. APP photo by Irshad Sheikh

اسلام آباد 18 اګست (اے پي پي) د خزانې وفاقي وزير مفتاح اسماعيل وئيلي دي حکومت په درآمدات بندېز لرې كوي٬ د پرتعيش څيزونو مخ نيوي لپاره به زياته رېګوليټري ډيوټيز لګولې شي٬ د هېواد معيشت استحكام پلو روان دے، پاکستان د آئي اېم اېف ټول شرطونه ترسره كړي ٬ بيا لپاره به نان فنډډ سبسډيز نه وي، هڅه به كوٶ چې پرائمري خساره 153 اربه ډالره نه زياته نه شي۔ د زيارت په ورځ د وزيراعظم د معيشت رابطه كار بلال اظهر کياني او د تجارت رابطه کار رانا احسان افضل سره په ګډه پرېس كنفرنس ته خپلې وېنا كښې ده ووئيل د لوي څښتن شكر دے چې د هېواد معيشت استحكام پلو روان دے٬ د بلومبرګ رپورټ له مخې د اګست په مياشت كښې د پاكستان كرنسي د نړۍ د ټولو نه ښه كرنسي ثابت شوې، دغسې د پاكستان سټاك ماركيټ هم په غوره ماركيټونو كښې شامل دے، ده ووئېل سټاك مارکيټ كښې خلق پېسې لګوي او ګټي٬ حكومت به د خپلو وسائلو له مخئ مصرف كوي، هڅه به كوٶ چې د درامدات حجم زمونږ د برامدات او ترسيلات زر نه زيات نه وي۔ د خزانې وزير ووئيل آئي اېم اېف سره د خبرو اترو ښې نتيجې رامخې ته شوي، د اګست په 29مه نيټه به د آئي اېم اېف د انتظامي بورډ غونډه كېږي چې پكښې به پاكستان لپاره د نوي قسط منظوري وركولې شي،په دې لړ كښې پاكستان خبر كړے شوے۔ ده ووئيل مونږ سره د 4 اربه ډالرو فنډنګ ګېپ ٶ٬ آئي اېم اېف غوښتل چې مونږ سره د زرمبادله پانګې د 6 اربه ډالرو نه زياتې وي٬ درې هېوادونه چې په كښې سعودي عرب، قطر او متحده عرب امارات شامل دي 4 اربه ډالره پاكستان ته وركوي، دغسې چين د دوه اربه ډالرو قرض د ري رول كولو وئيلي دي،ده ووئېل سعودي عرب به هم قرض ري رول كوي۔ آئي اېم اېف او د نړيوال تجارت تنظيم د بنديزنو لرې كولو وئيلي دي اوس د حكومت ذمه واري ده چې خپلو وګړو ته د خوراك څښاك څيزونه وركړي٬ حكومت به كله هم ونه غواړي چې د غنمو په ځاے د مرسيډيز او د قيمتي موبائل فون په درآمد زرمبادله مصرف شي دې لپاره حكومت لس لكه ټنه غنم او دوه لكه ټنه سره درامد كړې، ده ووئېل د خوراكي تېلو او غوړو درامد لپاره انډونيزيا سره كامياب مذاكرات شوي چې په سبب ئې د تېلو او غوړو په بيعه كښې كمے راغلے۔۔ د خزانې وزير ووئيل د برېښنا بيعې په اړه د آئي اېم اېف د شرطونو به تعميل كوٶ۔ ده ووئيل د رينټل ټيکس پحقله 42 اربه روپۍ اندازه وه چې پكښې ځينې غلطۍ وې كوم چې بېرته اخستې شوې ، اوس د 27 اربه روپو هدف به سر كول وي، دې مقصد لپاره يو آرډيننس وړاندې كوٶ چې پكښې به 5 فيصده سېلز ټېكس او 7.5 فيصده انكم ټېكس وي او د دې اطلاق به د اكتوبر وړومبئ نېټې څخه وي۔ ده ووئيل د ټيئر ون په سګريټ د ټېكس شرح د 1850 روپو نه 2050 روپۍ كړې شوې ، د ټيئر ټو په سګريټ ټيکس 6500 كړې شوې دغسې په تماكو ټېكس (ګرين ليف سس) د 10 روپو نه 380 روپۍ كړے شوے ، ده ووئېل د تماکو کمپنو لپاره ټرېك اېنډ ټرېس نظام وړاندې كوٶ، ايف بي آر به نګراني كوي٬ تر اوسه څلورو كمپنو ټرېك اېنډ ټرېس سسټم اخستے دے، نوې كمپنۍ دا سستټم نصب كوي۔ د يوې پوښتنې په ځواب ده ووئيل د سعودي عرب توال ګروپ يوه كمپني اخستې ده چې ورسره د 70 نه تر 80 موبائل ټاٶرز دي، دا كمپني په موبائل ټاورز لګولو كښې نوره سرمايه كاري وي٬ دغسې د سوئيلي افريقې يوه كمپني هم راروانه ده٬ په دوو اوونيو كښې به پي ټي اے څخه د دې منظوري وركړې شي۔ د خزانې وزير ووئيل د زراعت په څانګه كښې حكومت مراعات وركوي، په کھل، ټريکټرز، او په زرعي سېلز ټېكس لرې كړې شوې٬ حکومت آئل سيډ لپاره 21 اربه روپۍ مختص كړي۔ د يوې پوښتنې په ځواب ده ووئيل د جولائي په بلونو كښې فيول پرائس ايډجسټمنټ د مئي د مياشتې ٶ ځكه چې ھغه وخت د اېندهن بيعه زياته وه چې په سبب ئې زيات بل راغلے۔ د يوې پوښتنې په ځواب ده ووئيل حكومت يوه سبسډي نه ختموي٬ زمونږ پاليسي ده چې كومه هم سبسډي وي ھغه فنډډ وي دغسې چې په بجټ كښې اوښودلې شي

مضمون کا ماخذ : فا فا فا ۔