لاهور۔26ستمبر(اے پی پی) د پاکستان علماﺀ كونسل مشر مولانا حافظ طاهر محمود اشرفي ویلي پاکستان په هېڅ یوه مسئله یوازې نه دے، د کشمیر مسئلې په اړه د سعودي عربستان دریځ ښه ښكاره دے هند سره به خبرې اترې د كشمير د لارې كېږي ٬ د فلسطين په مسئله به اسرائيل له هم خبرو ته كېناستل وي ٬ د رسالت او قرآن كريم بې حرمتي په هېڅ صورت د قبلولو وړ نه ده٬ مونږ د ټولو الهامي کتابونو احترام کوو۔ د دې خيالاتو څرګندونه ده د نهې په ورځ خبري كنفرنس ته خطاب كښې وكړه۔ ده ووئيل د ربيع الاول په مياشت کښې په ګرده نړۍ كښې د رسول كريم (ص) د پاك ژوند په حواله غونډې كېږي٬ 4 ورځې مخكښې يو سيرت كنفرنس په موريطانيه كښې وشو په كوم كښې چې ماته هم د ګډون كولو درناوې ترلاسه شو۔ دغلته كه په انتها خوښۍ ٬ ترهګرۍ او اسلامو فوبيا خبره وشوه نو دې سره سره د كشمير او فلسطين په مسئله هم مونږ خپل ګزارشات وړاندې كړل۔ ده ووئېل دا مهال په ګرده نړۍ كښې تر ټولو لويه مسئله د اسلاموفوبيا ده۔ ګردې نړۍ دا وليدل چې يو وارې بيا په يو اروپائي هېواد كښې د اسلامي هېوادونو سفارتخانو مخې ته قرآن كريم وسوزولے شو۔ مونږ د قرآن بې حرمتي په هېڅ ډول قبلولې نه شوو۔ ده ووئېل مونږ د ټولو الهامي كتابونو احترام كوؤ۔ ده ووئيل د يو سازش له مخې او د مسلمانانو بدنامولو له د دوي تړون ترهګرۍ او انتها خوښۍ سره ښودلې شي او حال دا دے چې اسلام د امن دين دے۔ طاهر محمود اشرفي ووئيل د پاكستان علماﺀ كونسل تر اهتمام لاندې په ربيع الاول مياشت كښې په ګرد هېواد كښې سیرت رحمت للعالمین (ص) كنفرنسونه كولې شي۔ د اكتوبر په اولنۍ نېټه په لاهور الحمرا هال كښې مونږ ” اسلام كښې د غېر مسلمو حقونو ،، په سرخط سيرت رحمت للعالمين كنفرنس كوؤ۔ دغه كنفرنس كښې ګډون كولو لپاره موجوده ټول غېر مسلمه لارښودو ته بلنه وركړې شوې ده دغسې چې هغوي خپله خبره وكړې او زمونږ خبره واوري۔ ده ووئيل د اكتوبر په اولنۍ نېټه به د ګډې اعلاميه جاري كولې شي
د كشمير مسئلې په اړه د سعودي عربستان او او آئي سي دريځ ښكاره دے ٬ د رسالت او قرآن كريم بې حرمتي په هيڅ ډول د قبلولو وړ نه ده ٬ حافظ طاهر محمود اشرفي
مضمون کا ماخذ : اسکریچ کارڈ کا انعام
متعلقہ مضامین
.jpg)
