اسلام آباد۔ 5 جون (اے پی پی)وزیر مملکت برائے اطلاعات‘نشریات و قومی ورثہ مریم اورنگزیب ،وزیراعظم محمد نواز شریف کوں آپنڑی حکومت دے چار سالیں تئیں پورا کرنڑ تے مبارکباد ڈتی،وزیراعظم محمد نواز شریف دی قیادت اچ 19سال بعد ملک اچ مردم شماری دا تریخی عمل پورا تھیا،تریجھی واری وزیراعظم بنڑنڑ دا منفرد اعزاز نواز شریف کوں حاصل اے،انہاں 4سالیں اچ ملک کوں درپیش چیلنجاں نال نبڑنڑ سانگے وزیراعظم محمد نواز شریف عملی اقدامات چاتے،ملک دی ساری سیاسی جماعتاں اتے صوبائی حکومتاں قومی ترقی،خوشحالی اتے ملی یکجہتی دے ودھارے اچ وزیراعظم محمد نواز شریف دا ساتھ ڈیون۔انہاں آکھیا جو وزیراعظم محمد نواز شریف ملکی تریخ اچ پہلی داخلی سلامتی پالیسی ڈتی۔انہاں ملک اچ دہشتگرداں دی کمر تروڑ ڈتی،کامیاب کراچی آپریشن کیتا اتے دہشت گردی اچ نشابر گھٹکی آئی اے۔انہاں آکھیا جو توانائی دی پیداوار اچ ریکارڈ ودھارا تھیا اتے لوڈشیڈنگ اچ واضح گھٹکی آئی اے۔انہاں آکھیا جو ملکی معیشت کوں بحال کر تے پاکستان کوں اقوام عالم اچ باوقار جاہ تے کھڑا کر ڈتا گئے ۔
ملک دی ساری سیاسی جماعتاں اتے صوبائی حکومتاں قومی ترقی،خوشحالی اتے ملی یکجہتی دے ودھارے اچ وزیراعظم محمد نواز شریف دا ساتھ ڈیون،وزیر مملکت برائے اطلاعات‘نشریات و قومی ورثہ مریم اورنگزیب
مضمون کا ماخذ : فروٹ شاپ
متعلقہ مضامین
