اسلام آباد ۔ 17 اپریل (اے پی پی) سبکدوش تھیونڑ آلی سیکرٹری خارجہ تہمینہ جنجوعہ بدھ کوں وزارتِ خارجہ اچ وزیر خارجہ مخدوم شاہ محمود قریشی نال الوداعی ملاقات کیتی۔ ملاقات دے دوران وزیر خارجہ شاہ محمود قریشی سبکدوش تھیونڑ آلی سیکرٹری خارجہ تہمینہ جنجوعہ دی بے مثال خدمات تے انہاں کوں خراج تحسین پیش کیتا ۔ ملاقات اچ مخدوم شاہ محمود قریشی آکھیا جو تہمینہ جنجوعہ خاص طور تے پاکستانی تریمتاں کیتے ہک مثال ہن۔ تہمینہ جنجوعہ بااصول اتے باصلاحیت سیکرٹری خارجہ رہی اے ۔ انہاں آکھیا جو پاکستان اتے ادارے کیتے انہاں دی خدمات کوں ہمیشہ یاد رکھیا ویسی ۔ایں موقع تے تہمینہ جنجوعہ پذیرائی تے وزیر خارجہ مخدوم شاہ محمود قریشی دا شکریہ ادا کیتا۔
مضمون کا ماخذ : لاہور لاٹری
