اسلام آباد 04 دسمبر (اے پي پي) د اطلاعات، خپرونو ، قامی ورثې او كلتور وفاقی وزیر عطاءالله تارړ وئيلي دي د وزیراعظم شهباز شریف په مشرۍ كښې پاکستان د کامیابې خارجه پالیسۍ په سوب معاشی پرمختګ پلو روان دے، پاکستان او سعودي عرب ترمينځه شوې لوظنامي عملي كېږي، سرمایه کاری ته ودې وركولو او معاشي مرستي زياتولو ته حكومت پام لرنه كوي،د وزیراعظم شهباز شریف د سعودي عرب دوره او سعودي ولي عهد محمد بن سلمان سره ملاقات مهم ؤ ، پاك سعودي اړيكې يو نوي دور ته داخلې شوي۔د شورو په ورځ د وزیراعظم محمد شهباز شریف د سعودی عرب اوسنۍ دورې په اړه خبرو كښې وفاقي وزیر ووئيل وزیراعظم محمد شهباز شریف د سعودي عرب دوري نه پس هېواد ته راستون شوے، د وزیراعظم دوره مهمه وه۔ده ووئيل د تيرو 6 مياشتو په مهال د سعودي ولي عهد محمد بن سلمان سره د وزیراعظم شهباز شریف دا 5م ملاقات ؤ ۔ وفاقي وزیر ووئيل لنډه موده كښې د پاکستان او سعودي عرب ترمينځه اړيكو كښې ښه والے راغلے،د دواړو هېوادونو ترمينځه اړيكي قوي كېږي۔د اطلاعات وزير ووئيل سعودي عرب په پاکستان كښې د اربونو ډالرو سرمايه كاري كوي، د دواړو هېوادونو ترمينځه شوې لوظنامي عملي كېږي۔ده ووئيل سعودي عرب پاكستان كښې لويې پروژي پېل كوي، سعودي عرب سره 28 اېم او یوز لاس ليك شوي چې پكښې په 8 پروژو كار پېل شوے۔ده ووئيل وزیراعظم په سعودي عرب كښې واټر سمټ ته خطاب کړے او د فرانس صدر میکرون سره ئې هم ملاقات كړے۔ده ووئيل وزیراعظم شهباز شریف او ولی عهد ترمينځه تيره ورځ تاریخي ملاقات شوے۔ پاك سعودی اړيكي په يو نوي دور كښې داخل شوي۔ده ووئيل وزیراعظم محمد شهباز شریف سرمایه کارۍ ته پام لرنه كوي،د حکومت معاشي اقدامات په سوب په پاکستان كښې 6 كاله پس ګراني 4.8 فیصده ته راغلي۔ سټاك مارکیټ د يو لاکھ پوائنټس حد عبور کړے، شرح سود 15 فیصد او کائیبور 13 فیصده ته راغلے، ګراني 6 كاله پس ریکارډ لاندې كچي ته راغلي۔ وفاقی وزیر ووئيل د پي ټي آئي حکومت په مهال چرته چې د ملګرو هېوادونو سره اړيكي خرابې وې هلته معیشت ته هم پام لرنه نه ده شوې۔نن په ټوله نړۍ كښې لارښود د پاکستان معاشي بحالۍ او پرمختګ ستائي، معیشت پرمختګ كوي،ټولي معاشی اشاریئې ښې كېږي۔ده ووئيل د ټولي نړۍ څخه لارښود پاکستان ته راځي،اوسنيو كښې د بېلا روس صدر د پاکستان دوره كړې۔ وفاقی وزیر ووئيل د سعودي عرب ولی عهد عمر له د جذبې څرګندونه كړې،هغه د پاكستان لپاره ښه تاثرات لري، د وزیراعظم شهباز شریف د هغه سره ملاقات غیر معمولي ؤ۔ده ووئيل د دواړه هېوادونو ترمينځه اړيكي ښې كېږي۔د سعودي قیادت د پاكستان حکومت د اړخه د پروژو په پېل كولو د اطمینان څرګندونه كړې۔ده ووئيل سرمایه کارۍ ته وده وركول او معاشي مرسته زياتولو ته حكومت پام لرنه كوي،سباؤن كښې به پاکستان كښې نوره هم سرمايه كاري كېږي، د روزګار موقعې به راپيدا كېږي،ګراني به نوره هم كېږي او اولس ته به آسانۍ ترلاسه كيږي۔د اطلاعات وزير ووئيل د پاکستان خارجه پالیسی كاميابۍ سره مخ په وړاندې روانه ده۔ سعودی عرب او پاکستان په مشکل وخت کښې د يو بل ښه ملګري دي۔ وزیراعظم شهباز شریف د خادم الحرمین الشریفین لپاره د نيكو هيلو څرګندونه وكړه۔دواړو هېوادونو د تجارت او سرمایه کارۍ په اړه مرستي لا زياتولو او مثالی اړيكې لا قوي كولو ته اتفاق كړے ۔ده ووئيل د وزیراعظم د سعودي عرب دوره يوه لويه كاميابي وه۔ وزیراعظم واټر سمټ كښې د پاکستان بشپړ موقف وړاندې كړے،هلته په انډس واټر ټریټی هم خبره شوې او د پاکستان اهمیت او ضرورت رامخې ته شوے۔ده ووئيل سعودی عرب سره اړيكې لا مستحکميږي او د پاکستان معیشت پرمختګ كوي۔
پاکستان او سعودي عرب ترمينځه شوي لوظنامي عملي كېږي۔ د اطلاعات وفاقی وزیر عطاءالله تارړ د وزیراعظم شهباز شریف د سعودی عرب دوري په اړه مهمي خبرې
مضمون کا ماخذ : لاٹری ٹکٹ خریدیں
متعلقہ مضامین
