اسلام آباد۔12ستمبر(اے پی پی) پاکس??ان غزہ دے علاقے خان یونس اچ مخصوص محفوظ زون المواسی تے اسرائیلی قابض فوج دے فضائی حملیں دی مذمت کیتی اے جیں اچ 40 شہری شہید تھئن ، اسرائیلی قابض فوج دی طرفوں بے گھر لوکاں سانڳے خود ایں جاہ کوں محفوظ زون قرار ݙے تے ایں تے حملہ کرݨ بین الاقوامی انسانی قانون دی صریح خلاف ورزی اے۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے خان یونس اچ قتل عام انسانی زندگی دی بے توقیری ??تے فلسطینی عوام دے خلاف اسرائیل دے نسل کشی دے عزائم کوں ظاہر کریندے ، ھک مخصوص محفوظ زون اچ پناہ گھنݨ آلے لوکاں کوں نشانہ بݨاوݨ بین الاقوامی انسانی قانون دی سنگین خلاف ورزی کوں ظاہر کریندے ۔ ترجمان آکھیے شہری آبادیاں ??تے انسانی ہمدردی دے علاقیں دے تحفظ دی لوڑھ اے ۔ ترجمان آکھیے اساں اقو??م متحدہ دی سلامتی کونسل توں مطالبہ کریندوں جو او اسرائیلی قابض فوج کوں فلسطینی عوام دے خلاف نسل کشی دی ??ہم جاری رکھݨ توں روکݨ اچ آپݨا کردار نبھاوے تے اسرائیل کوں ایندے جنگی جرائم تے انسانیت دے خلاف جرم دا جواب گھنے۔
