نیویارک۔24ستمبر(اے ??ی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو اساں پارلیمان دی بالادستی تے یقین رکھیندوں ، سپ??کر قومی اسمبلی و پنجاب اسمبلی الیکشن کمیشن آف پاکستان کوں خط لکھیے جیں اچ سوال چاتا ڳئے جو ھک ایجھی جماعت جیں دا پارلیمان اچ وجود ہی نہ ہووے، اینکوں کیویں مخصوص نشستاں ݙتیاں ونڄ سڳدن ، آزاد امیدواراں کوں ترائے ݙینھ اچ کہیں سیاسی جماعت اچ رلݨا ہوندے ، تحریک انصاف سنی اتحاد کونسل اچ رلی جیں دا پارلیمان اچ وجود ہی کائناں ہئی ، سلمان اکرم راجہ ٻہوں عجیب بیان ݙتے ، معزز جج صاحبان بارے وکلاءکوں ایجھی ڳالھ مہاڑ نی کرݨی چاہیدی ، جیں انداز اچ پی ٹی آئی کوں مخصوص نشستاں ݙتیاں ڳ??ن ایندے اچ ٻہوں ابہام موجود اے، مخصوص نشستاں تے آئینی و قانونی سوالاں دا جواب آوݨ ضروری اے ، وفاقی وزیر اطلاعات آکھیے اڄوکے ݙینھاں اچ پارلیمان دی بالادستی دے حوالے نال معاملات زیر بحث آئن ، سپ??کر قومی اسمبلی اتے اسپ??کر پنجاب اسمبلی الیکشن کمیشن آف پاکستان کوں خط رلکھیے تے آکھیے جو ایجھی سیاسی جماعت کوں کیویں مخصوص نشستاں ݙتیاں ونڄ سڳدن جیں دا پارلیمان اچ وجود ہی کائنی، قانونی طور تے انھاں کوں مخصوص نشستاں نی ݙتیاں ونڄ سڳدیاں ۔ وفاقی وزیرآکھیے رولز پہلے ہی موجود ہن ، پارلیمان الیکشن ایکٹ 2017ءاچ ترمیم کیتی جیں موجب کوئی وی آزاد امیدوار ترائے ݙینھ اچ کہیں سیاسی جماعت اچ رل سڳدے کہیں سیاسی جماعت اچ رلݨ سانڳے جمع کرائے ڳئے حلف نامیں دی خلاف ورزی فلور کراسنگ تصور تھیندی اے ، تحریک انصاف کنے چوائس موجود ہئی ، تحریک انصاف سنی اتحاد کونسل اچ شمولیت اختیار کرتے غلطی کیتی کیوں جو سنی اتحاد کونسل دا پارلیمان اچ وجود ہی کائناں ہئی ، تحریک انصاف پارلیمان اچ موجود ایم ڈبلیو ایم کوں وی جوائن کرسڳدی ہئی ،تحریک انصاف دی ایں غلطی کوں کیویں درست کیتا ونڄ سڳدے ، انھاں لوکاں جیڑھے حلف نامے جمع کروائئن کیا او کوڑے ہن ؟ کیا پارٹی بدالݨ دی گنجائش ہر کہیں کوں رہسی ؟ جیں دا دل منے او حلف نامے منسوخ کر تے پارٹی بدال سڳدے ؟ وفاقی وزیر اطلاعات آکھیے پی ٹی آئی رہنما سلمان اکرم راجہ معزز جج بارے عجیب بیان ݙتے ، معزز جج صاحبان بارے وکلاءکوں ایجھی ڳالھ مہاڑ نی کرݨی چاہیدی جے انھاں دے بیان اچ حقیقت اے تاں ایندی باقاعدہ وضاحت آوݨی چاہیدی اے اے ??ݙے اچنبھے اتے حیرانگی دی ڳالھ اے تے سمجھ نی آںدا پیا جو پی ٹی آئی دے لیڈر آن ایئراے ڳالھ کیویں کریندے پئن ، اساں پارلیمان دی بالادستی سانڳے سپ??کر دے کردار دی تعریف کریندوں ایں معاملے تے سپ??کر دے رلے کھڑوں جو قانون سازی کوں اوور رول کر تے فلور کراسنگ دی اجازت کیویں ݙتی ونڄ سڳدی اے ؟ سپ??کر جیڑھا سوال چاتے او قانونی و آئینی سوال اے۔ ایندے علاوہ جسٹس یحییٰ آفریدی دے اختلافی نوٹ دے اندر وݙے اہم نکتے چاتے ڳئن تے باضابطہ طور تے آکھیا ڳئے جو ھک پارٹی جیڑھی سماعت اچ فریق ہی کائناں ہئی ، نہ ہی اوں درخواست ݙے رکھی ہئی اینکوں کیویں ریلیف ݙتا ونڄ سڳدے ۔ وفاقی وزیر اطلاعات آکھیے اے ??ݙا اہم اتے آئینی سوال اے جو کوئی فریق نہ ہووے تے نہ ریلیف منگیا ونڄے تے اینکوں ریلیف ݙے ݙتا ونڄے جیں انداز نال تحریک انصاف کوں مخصوص نشستاں ݙتیاں ڳ??ن ایندے اچ ٻہوں ابہام اے، ایندا جواب آوݨ ضروری اے۔
