وزیراعظم عمران خان دی صدارت اچ وفاقی کابینہ دا اجلاس، پنشن اتے حج فنڈ قائم کرنڑ دا فیصلہ، بجلی دی تقسیم کار کمپنیاں دے بورڈ آف ڈائریکٹرز دی تنظیم نو، پی ٹی وی ملازمین کیتے لازمی سروسز ایکٹ 1953ءدے نفاذ دی منظوری، مقامی سطح تے تیار تھیونڑ آلے این 95 ماسک اتے آلات دی برآمد دی وی منظوری
ارکان وزیراعظم کوں زبردست خراج تحسین پیش کیتا، وزیراعظم شاندار قیادت دے ذریعے اوکھے ویلھے اچ پتھے ملک کوں بحراناں توں کڈھیے ، کوویڈ19 نال نبڑنڑ اچ قابل تقلید کردار ادا کیتے تے اقوام متحدہ اچ نہایت جرات مندانہ انداز اچ مسئلہ کشمیر کوں چاتے ، سالانہ پنشن دی مد اچ 470 ارب روپے ادا کیتے ویندن، اجلاس اچ فیصلہ کیتا گئے جو کھنڈ دی قیمت کوں درآمد دے ذریعے روکیا ونج سگدے ، 7 ستمبر توں کھنڈ آونڑ شروع تھی ویسی ، نواز شریف دے دور اچ اہلیت اتے قابلیت دا معیار صرف درباری ہوونڑ ہئی ، نواز شریف کد قابلیت پارلیمان اچ کوڑ مارنڑ تے عوام کوں اندھارے اچ رکھنڑ دی ہئی ، ملک کیتے ہر آونڑ آلی چنگی خبر اپوزیشن کیتے گندی ہوندی اے
اسلام آباد ۔ 18 اگست (اے پی پی) وفاقی وزیر اطلاعات و نشریات سینیٹر شبلی فراز آکھیے جو وزیراعظم عمران خان دی قیادت اچ کابینہ اجلاس دے شروع تے ارکان وزیراعظم کوں زبردست خراج تحسین پیش کیتے تے جیویں انہاں شاندار قیادت دے ذریعے اوکھے ویلھے اچ پتھے ملک کوں بحراناں توں کڈھیے تے کوویڈ19 نال نبڑنڑ اچ وزیراعظم دی قیادت اچ پاکستان قابل تقلید کردار ادا کیتے تے اقوام متحدہ اچ وزیراعظم نہایت جرات مندانہ انداز اچ مسئلہ کشمیر کوں چاتے ، کابینہ اجلاس اچ بجلی دی ونڈ کار کمپنیاں دے بورڈ آف ڈائریکٹرز دی تنظیم نو دی منظوری ڈتی گی ، کجھ کمپنیاں دے بورڈ آف ڈائریکٹرز کوں بدالنڑ دی منظوری ڈتی گی جیں دی تفصیل وختی جاری کرڈتی ویسی، پنشن اتے حج فنڈ قائم کرنڑ دا وی فیصلہ کیتا گیا، وفاقی کابینہ پی ٹی وی ملازمین کیتے لازمی سروسز ایکٹ 1953ءدے نفاذ دی منظوری ڈتی، نواز شریف دے دور اچ اہلیت اتے قابلیت دا معیار صرف درباری ہوونڑ ہئی ، نواز شریف دی قابلیت پارلیمان اچ کوڑ مارنڑ تے عوام کوں اندھارے اچ رکھنڑ دی ہئی ، ملک کیتے ہر آونڑ آلی چنگی خبر اپوزیشن کیتے گندی ہوندی اے ۔اے گال انہاں منگل کوں کابینہ اجلاس دے بعد میڈیا ??ریفنگ ڈیندے ہوئیں آکھی اے ۔انہاں آکھیے جو کابینہ ارکان ولوں خراج تحسین پیش کرنڑ تے وزیراعظم آکھیے جو جڈاں تساڈا دل غریباں دے نیڑے دھڑکے تے نیت صاف ہووے تاں اللہ دی مدد نال کامیابی ملدی اے ۔ کابینہ اجلاس اچ ایجنڈا آئٹمز تے گال کریندے ہوئیں وزیر قانون مختلف بورڈز آف ڈائریکٹرز اچ ممبران پارلیمنٹ دی رکنیت دے حوالے نال ابہام تے روشنی پاتی تے فیصلہ کیتا گیا ??و جیں بورڈ توں مالی فائدہ تھیندا ہووے ارکان پارلیمنٹ ایندا حصہ نی تھی سسگدے ۔پنشن فنڈ دی تفصیلات وی بورڈ اجلاس کوں پیش کیتیاں گیاں تے اجلاس کوں ڈسایا گیا ??و سالانہ پنشن دی مد اچ 470 ارب روپے ادا کیتے ویندن جڈاں جو 500 ارب روپے دے نیڑے تنخواہ بنڑدی اے ، تنخواہ تے پ??شن برابر تھی گن تے اے معاملہ گردشی قرضے توں وی ودھ سنجیدہ معامل اے ۔ تنخواہیں اتے پ??شن ہک کھرب توں ودھ تھی ویندن ، صوبیں وچ وی ایہو حال اے ۔ یونیورسٹیاں دے پ??شن فنڈ تنخواہیں توں ودھ گن جتھاں کافی اوکھ دا سامنڑاں اے اتے ماضی اچ حکومتاں سیاسی مفادات دی خاطر اوکھے فیصلے کائنی کیتے جیں دا نتیجہ اے جو ادارے دیوالیہ تھیونڑ دے نیڑے پج گن ۔وفاقی وزیر آکھیا ??و وزیراعظم ہدایت کیتی اے جو ایں سانگے چاہے سارے جگ توں بہترین کنسلٹنٹ ہائر کیتے ونجن پر ایں مسےلے کوں منظم اتے منصوبہ بندی نال حل کیتا ونجے۔کابینہ دے اجلاس مقامی طور بنڑائے گئے این 95ماسک اتے آلات کوں برآمد کرنڑ دی منظوری وی ڈتی۔وفاقی وزیرآکھیا ??و اے سائنس تے ٹیکنالوجی دی وزارت دا اہم سنگ میل اے۔انہاں آکھیا ??و بئے ایجنڈے اچ کوئٹہ۔سریاب روڈ تے اربن انفراسٹرکچر بنڑاونڑ، کراچی سکیورٹی پی??ر لمیٹڈ دے بورڈز آف ڈائریکٹرز دے سربراہ دی مدت چھی مہینے ودھاونڑ دی منظوری وی ڈتی اے۔انہاں آکھیا ??و آئل اینڈ گیس بنڑاونڑ دی اصولی منظوری وی ڈے ڈتی گئی اے۔انہاں آکھیا ??و کابینہ دے اجلاس اچ وزیراعظم کوں جیڑھی شئے دی ودھ فکر ہوندی اے او کھنڈ اتے اٹے دے نرخاں دا مسئلہ ہئی جئیں سانگے ہرہفتے کمیٹی دا اجلاس وی تھیندے جئیں تے بہوں بحث دے بعد نرخاں دا جائزہ گھدا ویندے۔انہاں آکھیا ??و پنجاب، خیبرپختونختوا اتے سندھ خصوصی طور کراچی اچ اٹے دے نرخ اچ نشابر فرق ہئی اتے ایں پاروں سندھ دی حکومت ولوں کنڑک جاری نہ کرنڑ اے اتے کراچی اچ ودھ نرخ دا اثر ڈوجھے علاقیاں اچ وی پوندے۔ اجلاس کوس وفاقی وزیر صنعت تے پیداوار حماد اظہر اور صوبائی وزیر خوراک عبدالعلیم خان دی شوگر ملز ایسوسی ایشن اتے ڈسٹری بیوشن دے نمائندےاں نال گالھ مہاڑ بارے تفصیلی ڈسیا گئےاجلاس اچ فیصلہ کیتا گئے جو کھنڈ دے نرخ کوں درآمد نال روکیا ونج سگدے۔ست ستمبر توں کھنڈ آونڑ شروع تھی ویسی اتے نومبر اچ کرشنگ سیزن شروع تھیندیں ای صورتحال بہتر تھی ویسی۔ایں بارے حکومت فیصلہ کیتے جو کرشنگ ویلھے تے شروع نہ کرنڑ آلیاں کوں سخت جرمانے کیتے ویسن ،پہلے صرف ہک وار 20ہزار روپے جرمانہ ہوندا ہئی،ہنڑ اونکوں 50لکھ روپے کر ڈتا گئے ۔کنڑک دی درآمد سانگے جیڑھے ٹینڈر کھولیے گئے ہن اوندے تحت چالہی ہزار ٹن کنڑک آونڑ شروع تھی ویسی جئیں نال کھنڈ اتے اٹے دے مصنوعی بحران کوں گھٹ کرنڑ اچ مدد ملسی۔ہک سوال دے جواب اچ انہاں آکھیا ??و پی ایم ایل این دی نمائندیاں کوں چنگی طرح پتہ اے جو نواز شریف دے دور اچ اہلیت اتے قابلیت دا معیار صرف درباری ہوونڑ ہوندا ہئی ۔انہاں آکھیا ??و اقتصادی اشاریت مثبت امدے پئن،موڈیز اتے بئے عالمی ادارے پاکستان دی معیشت دی تعریف کریندے پئن تاں اے چنگی خبراں اپوزیشن سانگے گندیاں ہوندن ۔
وفاقی وزیر اطلاعات و نشریات سینیٹر شبلی فراز دی کابینہ اجلاس دے بعد میڈیا کوں بریفنگ
مضمون کا ماخذ : پیش گوئی اور حکمت عملی
متعلقہ مضامین
