اسلام آباد۔27اکتوبر(اے پی پی) وفاقی وزیر اطلاعات تے نشریات سینیٹر شبلی فراز آکھیا جو 27اکتوبر تاریخ دا او سیاہ ݙینھ اے جݙاں ہندوستان عالمی قانون،غیور کشمیری عوام دی امنگاں اتے حقوق کوں پامال کریندیں ہوئیں مسلم ا??ثریتی آبادی تے مشتمل ریاست جموں تے کشمیر تے غاصبانہ قبضہ کر گھدے،اے او کالا ݙینھ اے جݙاں بھارت کشمیری عوام کوں محکوم بݨاوݨ سانگے آپݨی فوج جموں تے کشمیر اچ لہائی۔وفاقی وزیر ستاوی اکتوبر یوم سیاہ دے موقع تے جاری کیتے ڳئے آپݨے سنیھے اچ آکھیا جو بہادر کشمیری گزریل ست ݙھاکیاں توں ودھ عرصے توں بھارتی ظلم،جبر اتے ریاستی دہشت گردی دا ??ام??ا کریند?? پئن اتے آپݨے حق سانگے جدوجہد کریند?? پئن۔بھارت پنڄ اگست 2019کوں ہک پاسہ ا??ے غیر قانونی اقدامات نال غیر قانونی طور تے متنازعہ علاقے دی حیث??ت بدلݨ دی سازش کیتی اتے ایں نال بین الاقوامی قوانین، اقوام متحدہ دی سلامتی کونسل دی قرارداداں اتے ݙو پاسہ معاہدیاں دی دھجیاں بکھیر ݙتی۔سینیٹر شبلی فراز آکھیا جو ہک سال توں ودھ عرصے توں جاری کرفیو مقبوضہ خطے دا کشمیریاں نال دنیا دا رابطہ کٹ ݙتے۔وادی اج جیل بݨ ڳئی اے۔پورا بلیک آئوٹ اے،کھاوݨ پیوݨ دی شئیں دی گھٹکی اے اتے دوائیں اتے علاج نی تھیندا پیا۔انہاں آکھیا جو قابض بھارتی فوج کشمیریاں د ے بنیادی انسانی حقوق پامال کریندی پئی اے۔وفاقی وزیر اطلاعات و نشریات آکھیا جو بھارت سݨ گھنے جو کوئی ظلم اتے جبر کشمیریاں کوں انہاں دی حق خودارادیت دے حق دی منزل توں پرے نی کر سڳدا۔اساں کشمیری بھیݨ بھراواں دی سرپرستی،سیاسی،سفارتی اتے اخلاقی حمایت دا سجھ ابھرݨ تئیں جاری رکھیسوں۔
یوم سیاہ دے موقع تے وفاقی وزیر اطلاعات تے نشریات سینیٹر شبلی فراز دا سنیھا
مضمون کا ماخذ : تعداد بہت زیادہ ہے۔
متعلقہ مضامین
