ملتان ۔ یکم جنوری (اے پی پی) وزیرخارجہ مخدوم شاہ محمودقریشی آکھیے جو بھارت اچ مسلماناں تے ظلم دی انتہا کرڈتی گئی اے ۔ہندوستان اچ پارسی، بدھ، عیسائی اتے خاص طور تے مسلمانا?? دے نال جیرھا کجھ تھیندا پئے ایندے نال پاکستان دی قدر و قیمت دا پتہ لگدے جو پاکستان اساں کیتے کتنا ضروری اے ، اے گال انہاں برصغیر دے عظیم روحانی پیشوا حضرت شاہ رکن عالم دے 706ویں سالانہ عرس دی ترائے ڈینھ دی تقریبات دا افتتا ح کریندے ہوئیں کیتے ، انہاں مزید آکھیے جو مقبوضہ کشمیر دے مسلماناں کوں ??معے دی نماز تئیں ادا کرنڑ دی اجازت نی ڈتی ویندی ۔ ہندوستان دعویٰ تاں سیکولر ازم دا کریندے ۔لیکن بھارت اچ رہنڑ آلیاں اقلیتاں خاص طور تے مسلماناں تے ظلم دے پہاڑ تروڑی کھڑے ۔ وزیر خارجہ آکھیے جو مودی حکومت دی ہندو توا دی سوچ اقلیتاں کوں ??ئین اچ ڈتے گے سارے حقوق پامال کرڈتن ، انہاں آکھیے جو پاکستان دے خلاف ہائبرڈ جنگ مسلط کیتی گئی اے جنگ دی ایں نویں قسم اچ ٹینک تے توپ دا استعمال کائنی تھیندا سرحداں تے اساڈے نال اے وی تھیندا پئے ۔ شاہ محمود قریشی آکھیے جو دشمناں دی کوشش اے جو پاکستان دے اندر انتشار کھنڈایا ونجے منافرت کوں ہواڈتی ونجے ۔ جیں نال دنیا کوں پیغام ونجے جو اے قوم منشتر تھیندی پئی اے ۔تساکوں نفسیاتی طورتے کمزور بنڑاونڑ ایں وار فئیر دا حصہ اے ۔انہاں آکھیے جیرھیاں قوماں دشمن سنجانڑ گھندن او بھٹکدیاں کائنی صحیح رستہ چنڑ گھندن ، وزیر خارجہ مزید آکھیا نواں سال شروع تھوینڑ تے اساں بحیثیت قوم ارادہ کر گھنوں ??و پاکستان کوں ??لے ڈکھاونڑ دی کوشش کرنڑ آلی?? دے ارادیں کوں ??اک اچ ر??او??ڑ اے ،وزیر خارجہ آکھیا جو اساں طاقت قوم ہوں کوئی کمزور کائنی ، وزیر خارجہ ملک توں ??ئے زائرین نال خطاب کریندے ہوئیں آکھیا جو اساکوں ??نہاں آستانیں نال دشمن کوں یکجہتی دا پیغام ڈیونڑاں اے ، انہاں آکھیا جو بزرگان دین دی تعلیمات تے عمل کرتے زندگی سوہنڑیں بنڑا سگدوں ۔ اولیاءاللہ امن ،رواداری اتے اخوت دا پیغام عام کیتا انہاں دی تعلیمات توں متاثر تھی تے غیر مسلماں دی وڈی تعداد حلقہ اسلام اچ داخل تھئی انہاں دا فیض اج وی جاری اے لوک اتھاں آندن دلی مراداں پیندن ۔
بھارت اچ مسلماناں تے ظلم دی انتہا کرڈتی گی ، پاکستان دے خلاف ہائبرڈ جنگ مسلط کیتی گئی اے ، شاہ محمودقریشی داعظیم روحانی پیشوا حضرت شاہ رکن عالم دے 706ویں سالانہ عرس دی افتتاحی تقریب نال خطاب
مضمون کا ماخذ : ولف گولڈ
متعلقہ مضامین
.jpg)
