اسلام آباد ۔ 21 مئی (اے پی پی) وفاقی وزیر خزانہ سینیٹر محمد اسحاق ڈار میثاق جمہوریت دی طرز تے میثاق معیشت تے اتفاق کرنڑ دی لوڑ تے زور ڈیندے ہوئیں آکھے جو حکومت معیشت دے ودھارے ، توانائی بحران کوں مکاونڑ اتے انتہا پسندی تے دہشت گردی دی لعنت کوں مکاونڑ دی حکمت عملی تے ٹردی پئی ہے ، سیاسی جماعتاں کوں چاہیدے جو او معیشت کوں مضبوط بنڑاونڑ کیتے طریقہ کار دی تیار اچ آپنڑیاں تجویزاں ڈیون۔ آندے مالی سال 2016-17ء دے بجٹ اچ عام لوکیں کوں ریلیف ڈیسوں ۔ ٹیکس دہندگان تے کئی نواں ٹیکس کائناں لگسی جڈانجو نادہندگان دے گرد گھیرا تنگ کریسوں ۔ اے گالہیں انہاں چھنڑ چھنڑ کوں اتھاں ہک میڈیا گروپ ولوں تھیونڑآلے پری بجٹ 2016-17ء سیمینار نال خطاب اچ آکھیاں۔ انہاں آکھیا جو 2013ء اچ پاکستان مسلم لیگ (ن) دی جڈاں حکومت بنڑی تاں اوں ویلے معاشی عدم استحکام، توانائی دا شدید بحران اتے انتہا پسندی تے دہشت گردی دے بحراناں دا سامنڑاں ہئی ، وزیراعظم محمد نواز شریف دی قیادت اتے انہاں دی بصیرت تے عمل کریندے ہوئیں ڈینھ رات محنت کریندے ہوئیں توانائی دے منصوبیاں تے کم شروع کیتا گئے اتے ایں ویلے 25 ہزار میگاواٹ دے منصوبے مرحلہ وارپورے تھیونڑ دے مرحلیاں اچ ہن اتے لوڈ شیڈنگ گھٹ تھیندی پئی ہے اتے 2018ء تئیں ایندے توں پوری جان چھٹ پوسی ۔ ایں طرح دہشت گردی اتے انتہا پسندی کوں مکاونڑ سانگے آپریشن ضرب عضب شروع کیتا گیا اتے نیشنل ایکشن پلان بنڑایا گیا ہئی جیندے ودھ سارے نتیجے اتے کامیابیاں ملیاں ہن ۔ ملکی معیشت دے ساریاں شعبیاں دے مثبت اشارے آندے پئے ہن ، اتے عالمی ادارے ایندی تعریف کریندے پئے ہن ۔ میڈیا گروپ کوں پری بجٹ سیمینار کراونڑ تے مبارخ ڈیندے ہوئیں سینیٹر محمد اسحاق ڈار آکھیا جو اساں مشاورتی عمل تے یقین رکھیندے ہیں اتے جو تجویزاں سامنڑیں آیاں ہن انہاں تے غور کریسوں۔ انہاں آکھیا جو معاشی استحکام برقرار رکھنڑ سانگے سیاسی استحکام دی لوڑ ہے ۔ انہاں آکھیا جو 2015ء اچ این ایف سی ایوارڈ دے تحت صوبیاں کوں 1200 بلین روپے ملدے ہن جیہڑی ودھارے دی شرح رکھی گئی ہئی اوندے تے چلدے ہوئیں تاں شاید تے حجم اتنا ہی راہدا جڈانجو معاشی استحکام دیاں پالیسیوں پاروں ایں کوں 400 ارب دا ریکارڈ اضافہ تھئے جیہڑا جو ایں ویلے 1600 ارب روپے تھی گئے ۔ وزیراعظم محمد نواز شریف صنعت، زراعت تے خدمات دی ترقی دی سوچ رکھیندے ہن ۔ اسحاق ڈار آکھیا جو تنقید بہوں سوکھی ہے معیشت اچ سیاست نہیں ہونڑیں چاہیدی ۔ایں توں پہلے رکن قومی اسمبلی اتے تحریک انصاف دے رہنما اسد عمر، اقتصادی ماہر ثاقب شیرانی، لہور چیمبر دے صدر الماس اتے ارشاد عارف خطاب کریندے ہوئیں 2015-16ء دے بجٹ دے مختلف پہلوواں دا جائزہ گھندے ہوئیں 2016-17ء دے بجٹ اچ ٹرانسپورٹ، ریٹیل شعبہ، زراعت کو ںٹیکس نیٹ اچ گھن آونڑ اتے ٹیکس کلیکٹرز دے بے جا اختیارات کو ںمحدود کرنڑ اتے فائلرز اتے نان فائلرز اچ تفریق کریندے ہوئیں ٹیکس اصلاحات گھن آونڑ اتے عام آدمی کوں سکھ دیونڑ بارے آپنڑیاں تجویزاں پیش کیتن۔
حکومت معیشت دے ودھارے ، توانائی بحران کوں مکاونڑ اتے انتہا پسندی تے دہشت گردی دی لعنت کوں منڈھ توں مکاونڑ دی حکمت عملی تے کم کریندی پئی ہے ،وفاقی وزیر خزانہ سینیٹر محمد اسحاق ڈاردا پری بجٹ 2016-17ء سیمینار نال خطاب
مضمون کا ماخذ : جادوئی اسپن
متعلقہ مضامین
.jpg)
.jpg)
