اسلام آباد23جون (اے پي پي)وزيراعظم محمد شهباز شريف وړومبے رياست او بيا سياست د اتحادي حكومت ترجيح ګرځولو سره وئيلي دي آئي اېم اېف سره په شرطونو خبرې شوي٬ چين پاكستان ته 2.3 اربه ډالره وركوي٬ د تېرو واكمنو د سنګينو غلطو څخه هېواد ته ډېر زيات زيان رسېدلے ، ملګرو هېوادونو سره اړيكې خرابې كړې شوي ، آئي اېم اېف سره 30 روپۍ په پټرول ډويلپمنټ ليوي او17 فيصد د سېلز ټيکس لوظنامه شوې٬ درې نيم كال ئې قام ته د يوې ټكې ريليف نه دے وركړے، موجوده حکومت د پټروليم مصنوعات بيعه كښې له مجبورۍ اضافه كړې٬ په وړومبي ځل په شتمندو ټېكس لګولے كېږي،په لوډ شيډنګ به قابو ومومو، پاکستان د لاسه وركړےمقام به ډېر زر ترلاسه كړي۔ دا خبرې ده د زيارت په ورځ د مسلم ليګ (ن) سينيټرانو ته خپلې وېنا كښې وكړې۔ وزيراعظم ووئيل تېرو واكمنو چې آئي اېم اېف سره كومې لوظنامې كړې په ھغې ئې عمل نه دے كړے٬ په ماضي كښې به چې كله د پټروليم مصنوعات بيعه زياتتېده نو په هېواد كښې به هم زياتېده خو په بېعه كښې كمے اولس ته نه دے منتقل كړے شوے٬ ده ووئېل په مارچ كښې چې كله په نړيوال ماركيټ كښې د تېلو بيعه زياته وه نو د پي ټي آئي حكومت د عدم اعتماد په تحريك كښې د خپلې ماتې په ليدلو بيعه كمه كړې٬ دوي د تېلولپاره پیسې نه دې مختص كړي او نه ئې د كابينې نه منظور اغستې،ده ووئېل د دې مقصد دا ٶ چې راتلونكي حكومت لپاره جال خپور كړي، د تېلوپه بيعه زياتولو د نواز شريف پشمول ټولو سياسي مشرانو اندېښنې لرلې۔ وزيراعظم ووئيل پاكستان لپاره د لكهونو په شمېر خلقو مالي قربانۍ وركړي خو په تېرو 75 كالو كښې د پاكستان جوړېدو مقصد ترلاسه نه كړے شو۔ ده ووئيل چين، متحده عرب امارات، قطر، سعودي عرب او نورو اسلامي هېوادنو تل د پاكستان ملګرتيا كړې٬٬ چين پاکستان د ستونزمند صورتحال نه بهر كولو لپاره د 2.3 اربه ډالرو لوظ كړے ، مونږ له اوس خپله اصلاح كول دي ٬ ده ووئېل پاكستان ډېرې قدرتي وسيلې لري، د ريکوډك غوندې منصوبه فعاله نه ده٬ دلته د اربونو كهربونو خزانې پرتې دي خو مونږ نن هم دې څخه ګټه نشو پورته كولې ٬ دا د قام نه د مشرانو قصور دے٬ په كوم ناسم ډول چې چارې شړلې كېږي د دې يو شمېر مثالونه نور هم شته۔ ده ووئيل آئي اېم اېف سره په شرطونو تقريباً خبره شوې ٬ كه نور شرطونه ونه لګېدل نو په يو څو ورځو كښې به لوظنامه وشي، مونږ د آئي اېم اېف لوظنامې د لارې معاشي صورتحال بهتر كړے خو سوكالي به د شپې شپې نه راځي٬ ده ووئېل مونږ له مالي استحكام راوستل دي۔ وزيراعظم ووئيل زمونږ لاره ګرانه ده خو ناممكن نه ده، نور مشكلات هم راتلل دي٬ د قام د پرمختګ او سوكالۍ پرېكړې به سرفهرست ساتلې شي، د ذاتي خوښې ناخوښې نه پرته پرمختګ او خوشحالي به زمونږ وړومبۍ ترجيح وي ، قام سره به غلط بياني نه كوم او نه به قام له دهوكه وركوم٬ وزيراعظم شهباز شريف ووئېل داسې به نه وائيم چې 300 اربه ډالره به راوړو، د پيو او شاتو نهرونه او د نوي پاكستان خبرې به نه كوٶ٬ پاكستان هم ھغه دے كوم چې د قائداعظم پاکستان دے، قام پرمختګ او سوكالۍ پلو بوتللو لپاره حکومت، سياسي قيادت او ټولو ادارو له به په ګډه كار كول وي۔ وزيراعظم ووئيل مونږ شپه او ورځ هېواد ته د رامخې ته مسئلو پحقله غونډې كوٶ او هر وخت د هېواد بهترۍ لپاره سرګردانه يو۔ ده ووئيل پخواني وزيراعظم نواز شريف په هېواد كښې د لويو بندونو بنياد اېښودے٬ بندوونو څخه د 40 زره مېګاٶآټ برېښنا پېدا كېدو ګنجائش موجود دے، ده ووئيل مونږ به د ستونزو مقابله كوو او پاكستان د سوكالۍ په لاره سمولو كښې به بې غورې نه كوٶ، دې لپاره به عملي اقدامات كول وي٬ په 12 بجو پاڅيدو او وېنا كولو هېواد ترقي نشي كولې، شپه او ورځ خواري به خپل شعار جوړول وي۔ وزيراعظم ووئيل په رو رو به كچكول ماتوٶ هله به په قلاره كېښنو او قامي وسائل به په كار راولو
د ماضي واكمنو د چين پشمول ملګرو هېوادونو سره اړيكې خرابې كړې٬ چين او سعودي به تر څو زمونږ مرسته كوي٬ مونږ له د خپل هېواد مقدر بدلول دي۔ د وزيراعظم محمد شهباز شريف د مسلم ليګ (ن) سينيټرانو ته وېنا
مضمون کا ماخذ : سامراا سپلٹ
متعلقہ مضامین
